ఎస్ఎంఎస్ కలెక్షన్లపై మహేష్ బాబు ప్రభావం

By Bojja Kumar

Published: Tuesday, February 14, 2012, 11:43 [IST]

కృష్ణ-మహేష్ బాబు కుటుంబం నుంచి వచ్చిన మరో హీరో సుధీర్ బాబు. ఎస్ఎంఎస్(శివ మనసులో శృతి) సినిమా ద్వారా తెరంగ్రేటం చేసిన ఈ హీరో తొలి సినిమాతోనే హిట్ కొట్టాడు. సినిమాకు మంచి రెస్పాన్స్ రావడంతో పాటు, చిన్న సినిమా అయినప్పటికీ పెద్ద సినిమా రేంజ్లో కలెక్షన్లు సైతం సాధిస్తోంది. మహేష్ బాబు బావ కావడం, స్వయంగా మహేష్ బాబు, కృష్ణ కుటుంబం సినిమాపై ప్రచారం చేయడం, సినిమా యూత్ ఫుల్ గా వినోదాత్మకంగా ఉండటం కూడా కలెక్షన్లుపై ప్రభావం చూపిందని అంటున్నారు.

సినిమా సక్సెస్ మీట్ లో హీరో సుధీర్ బాబు మాట్లాడుతూ...చిన్న సినిమాగా తాము చేసిన 'ఎస్.ఎం.ఎస్.' విడుదలైన రోజు అన్ని థియేటర్లూ ఫుల్ అవడం అనూహ్యమన్నారు. మావయ్య (కృష్ణ), మహేశ్ వల్ల సినిమాకి అంచనాలు వచ్చాయనీ, వారి అభిమానులు చూపించిన ఆదరం వల్లే సినిమాకి మంచి ఓపెనింగ్స్ వచ్చాయనీ ఆయనన్నారు. సూపర్‌గుడ్ మూవీస్ అధినేత ఆర్.బి. చౌదరి సమర్పణలో వేగా ఎంటర్‌టైన్‌మెంట్స్ పతాకంపై విక్రమ్‌రాజు నిర్మించిన 'ఎస్.ఎం.ఎస్.' సినిమా ఇటీవల విడుదలైంది.

తాతినేని సత్య దర్శకత్వం వహించిన ఈ చిత్రం విజయవంతంగా ప్రదర్శితమవుతున్న సందర్భాన్ని పురస్కరించుకుని సంస్థ కార్యాలయంలో సోమవారం ఏర్పాటుచేసిన సమావేశంలో సుధీర్ మాట్లాడారు. "తొలి మూడు రోజుల్లో మా సినిమాకి మూడు కోట్ల రూపాయలు వసూలు కావడం ఊహించని విషయం. చక్కని ప్రేమకథని అంతే చక్కగా దర్శకుడు సత్య తీర్చిదిద్దినందునే సినిమా మంచి విజయం సాధించింది. వేలంటైన్స్ డే సందర్భంగా ప్రేమ గురించి చక్కని సందేశాలు పంపినవారికి (నెం.99634483) బహుమతులు అందజేస్తాం'' అని ఆయన చెప్పారు.

More from Filmibeat