Click it and Unblock the Notifications
హీరో శివాజీ కొత్త చిత్రం డీటేల్స్
ఒకటి, రెండు తప్ప కెరీర్లో పెద్దగా హిట్లు అనేవే లేని హీరో శివాజీ త్వరలో మరో చిత్రంతో ప్రేక్షకుల ముందుకు రాబోతున్నాడు. శివాజీ హీరోగా మనోహర్ చిమ్మని దర్శకత్వంలో రూపొందుతున్న ఈ చిత్రంలో రీతూకౌర్ హీరోయిన్ గా ఎంపికైంది. శ్రీలక్ష్మి నరసింహ అంజిత ఫిలింస్-ఆర్ఆర్ రియల్టర్స్ సంయుక్తంగా నిర్మిస్తున్న ఈ చిత్రానికి ఆనందరావు, కె.జె దశరత్, అమరనాథ్ రెడ్డి సహ నిర్మాతలుగా కాగా, కృష్ణ, డిఆర్ రెడ్డిలు నిర్మాతలు. ఇంకా టైటిల్ ఖరారు చేయాల్సి ఉంది.
ఈ నెల 20 నుంచి రెగ్యులర్ షూటింగ్ ప్రారంభం కానుంది. 18 మంది ప్రముఖ హాస్య నటులతో పూర్తి స్థాయి వినోద భరితంగా ఈ చిత్రాన్ని రూపొందించనున్నట్లు దర్శకుడు మనోహర్ చిమ్మని చెప్పుకొచ్చారు. శివాజీ గత చిత్రాలతో పోలిస్తే ఈ చిత్రం టేకింగ్ చాలా కొత్తగా, విభిన్నంగా ఉంటుందని చెప్పారు. దొంగలబండి చిత్రానికి సంగీతం అందించిన స్వరాజ్ హెడిడె ఈ చిత్రానికి మ్యూజిక్ అందిస్తున్నారు. ఐటం సాంగుతో మొత్తం ఐదు పాటలు ప్లాన్ చేశారు.
సింగిల్ షెడ్యూల్ లో షూటింగ్ పూర్తి చేసుకోబోతున్న ఈ చిత్రంలో హంగామా ఫేం జ్యోతి, అల్లరి ఫేం సుభాషిణి, మహేశ్వరి, చిత్రం శ్రీను, తాగుబోతు రమేష్, ఆర్.కె, ధన్ రాజ్, పృథ్వీరాజ్, సూర్య, లాప్ టాప్ తడివేలు, టార్జాన్, చరణ్, షాని ముఖ్య పాత్రలు పోషిస్తున్నారు. ఈ చిత్రానికి కెమెరా : జగదీష్, ఆర్ట్ : విజయకృష్ణ, ఫైట్స్ : బాచి
Continue with Google