Don't Miss!
- News Chengicherla: రాజా సింగ్ హౌస్ అరెస్ట్, బండి సంజయ్పై కేసు నమోదు
- Sports RR vs DC: చరిత్ర సృష్టించిన రిషభ్ పంత్.. ఒకే ఒక్కడిగా..!
- Lifestyle ఎన్నికల ముందు ప్రచారంలో గాల్లో మేడలు కడుతున్న నాయకులు..
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
‘ఏమైనా జరుగొచ్చు’.... శివాజీ రాజా కొడుకు హీరోగా ఎంట్రీ!
తెలుగు సినిమా పరిశ్రమలోకి మరో నటవారసుడు హీరోగా ఎంట్రీ ఇవ్వబోతున్నాడు. 'మా అధ్యక్షుడు, నటులు శివాజీరాజా తనయుడు విజాయ్ రాజాను హీరోగా పరిచయం చేస్తూ ఏదైనా జరగొచ్చు అనే సినిమా బుధవారం అన్నపూర్ణ స్టూడియోలో ప్రారంభమైంది. కె.రమాకాంత్ దర్శకత్వం వహిస్తున్న ఈ చిత్రాన్ని వెట్ బ్రెయిన్ ఎంటర్ టైన్ మెంట్ సంస్థ నిర్మిస్తోంది.
ఈ ప్రారంభోత్సవ కార్యక్రమానికి ముఖ్య అతిథులుగా విచ్చేసిన కె.రాఘవేంద్రరావు ముహూర్తపు సన్నివేశానికి క్లాప్ నివ్వగా... రవిరాజా పినిశెట్టి కెమెరా స్విచాన్ చేశారు. హరీష్ శంకర్ గౌరవ దర్శకత్వం వహించారు.
ఈ సందర్భంగా శివాజీరాజా మాట్లాడుతూ...32 ఏళ్లుగా నటుడుగా నన్ను ఆదరిస్తున్నారు. అదే ఆదరణ , ప్రేమ మా అబ్బాయ విజయ్ రాజాకు కూడా అందించాలని కోరుకుంటున్నా. సత్యానంద్ గారి ఇన్స్టిట్యూట్లో శిక్షణ తీసుకున్నాడు. వాడికి నేను ఒకటే చెప్పాను.... నీకు ఎలా అనిపిస్తే అలా చేయి.. చిరంజీవిగారిలా కష్టపడు. ఆయనలా సేవాగుణం కలిగి ఉండని చెప్పాను' అన్నారు.
దర్శకుడు కె. రమాకాంత్ మాట్లాడుతూ...ఏదైనా జరగొచ్చు' హర్రర్ జానర్లో సాగే కామెడీ థ్రిల్లర్. వారి నమ్మకాన్ని నిలబెట్టుకుంటాను. ఇంతకు ముందు చంద్రశేఖర్ ఏలేటి దగ్గర దర్శకత్వం శాఖలో పని చేశానని తెలిపారు.
హీరో విజయ్ రాజా మాట్లాడుతూ...నేను హీరో అవడానికి అమ్మా నాన్నల సపోర్ట్ తో పాటు మావయ్య సపోర్ట్ ఎంతో ఉంది. నాన్న గర్వపడేలా చేస్తానన్న నమ్మకంతో హీరోగా తొలి అడుగు వేస్తున్నా. ఈ అవకాశం కల్పించిన వెట్ బ్రెయిన్ సంస్థకు ధన్యవాదాలు అన్నారు.
ఎగ్జిక్యూటివ్ ప్రొడ్యూసర్ విజయ్ ప్రకాష్ అన్నంరెడ్డి మాట్లాడుతూ...సీనియర్ ఆర్టిస్టులు చాలా మంది నటిస్తున్నారు. త్వరలో పూర్తి వివరాలు వెల్లడిస్తామన్నారు. ఈ చిత్రానికి సంగీతంః శ్రీకాంత్ పెండ్యాల; ఆర్ట్ డైరక్టర్ః చిన్నా; ఎగ్జిక్యూటివ్ ప్రొడ్యూసర్ః విజయ్ ప్రకాష్ అన్నంరెడ్డి; ప్రొడ్యూసర్ః వెట్ బ్రెయిన్ ఎంటర్ టైన్ మెంట్; దర్శకుడుః కె.రమాకాంత్.