సీక్రెట్ ఎఫైర్ రివర్స్ :మెంటల్, చీప్, ఇద్దరూ తిట్లు,కేసులు

By Srikanya

Published: Wednesday, March 16, 2016, 16:02 [IST]

ముంబయి: బాలీవుడ్‌ నటుడు హృతిక్‌ రోషన్‌..నటి కంగనా మధ్య వివాదం రోజు రోజుకీ పెరుగుతోంది తప్ప తగ్గేటట్లు కనపడటం లేదు. టాప్ స్థాయిలో ఉన్న వీరిద్దరూ ... కొన్ని రోజుల పాటూ సీక్రెట్ గా ఎఫైర్ నడిచినట్టు వార్తలు వచ్చాయి. అయితే వారిద్దరూ ఇప్పుడు ఒకరిపై ఒకరు కేసులు పెట్టుకుని గత రెండు రోజులుగా వార్తల్లో నిలిచారు.

హృతిక్ ..కంగనాకు నోటీసులు పంపాడంతో ఈ వివాదం ఇంకా ముదిరింది. గతంలో వీరిద్దరూ ప్రేమించుకుని విడిపోయినట్లు వార్తలు వెలువడ్డాయి. అయితే ఈ విషయమై కంగనా మీడియాతో ఎప్పుడు మాట్లాడినా తన పేరును ప్రస్తావిస్తోందంటూహృతిక్‌ కేసు వేశాడు. మీడియా సమావేశం ఏర్పాటు చేసి అందరి ముందు తనకి క్షమాపణ చెప్పాలని నోటీసులో పేర్కొన్నాడు.

ఈ విషయమై కంగనా స్పందిస్తూ.. తన తరఫు లాయిరు తో ఆయా చట్టాల కింద కేసులు నమోదు చేయించి హృతిక్‌కు నోటీసులు పంపింది. తాను ఇప్పటివరకు ఇచ్చిన ఇంటర్వ్యూలో ఎప్పుడూ హృతిక్‌ పేరు ప్రస్తావించలేదని ఇది పరువు నష్టం ఎలా అవుతుందంటూ ఆరోపించింది.

అసలేం జరుగుతోంది, స్లైడ్ షోలో మరిన్ని విశేషాలు...

ఇక్కడ నుంచే మొదలైంది

ఆషికి-3 చిత్రం నుంచి హృతిక్‌ కంగనాని తప్పించాడన్న పుకార్లు రావడంతో ‘అవును. కొంత మంది మాజీ ప్రేమికులు ఇలాంటి చెత్తపనులు, పుకార్లు ఎందుకు పుట్టిస్తారో తెలీదు. అయిపోయిన విషయాల గురించి ప్రస్తావించడం నాకు నచ్చదు.' అంటూ గతంలో ఓ ఇంటర్వ్యూలో కంగనా పేర్కొంది.