హీరోయిన్ కిడ్నాప్, లైంగిక వేధింపులు... తెర వెనక ఏం జరిగిందంటే?

ఫేక్ యాక్సిడెంటుతో

కారు కొచ్చిలోని ఇంటర్నేషనల్ ఎయిర్ పోర్టుకు వద్దకు రాగానే హీరోయిన్ కారును టెంపోతో కావాలని ఢీ కొట్టి ఫేక్ యాక్సిడెంట్ చేసారు. కారులో ఉన్న మార్టిన్ డ్రైవర్‌ను పక్కు తప్పించి టెంపోలోని ఇద్దరు వ్యక్తులు కారులో ప్రవేశించినట్లు తెలుస్తోంది.

లైంగిక వేధింపులు

కారును తమ ఆధీనంలోకి తీసుకున్న దుండగులు గంటన్నరపాటు ఆమె పట్ల అసభ్యంగా ప్రవర్తిస్తూ కొచ్చి నగరంలో కారును తిప్పారని, ఆమెకు ఇష్టం లేకున్నా బలవంతంగా ఆమెతో ఫోటోలు, వీడియోలు తీసుకున్నారని పోలీసులు తెలిపారు.

పలరివట్లోమ్ జంక్షన్ వద్ద

ఆమె కారులోనే కిడ్నాప్ చేసి గంటన్నర పాటు తిప్పిన దుండగులు పలరివట్లోమ్ జంక్షన్ వద్ద కారును, ఆమెను వదిలి పారిపోయారు. ఒంటరిగా కారు నడుపుకుంటూ దగ్గర్లో తనకు తెలిసి నిర్మాత ఇంటికి వెళ్లి జరిగిన విషయం చెప్పి... అనంతరం పోలీసులకు ఫిర్యాదు చేసింది.

పని చేసిన డైవర్ పనేనా?

ఈ సంఘటన వెనక వద్ద గతంలో పని చేసిన డ్రైవర్ సునీల్ కుమార్ అలియాస్ పల్సర్ సునీల్ హస్తం ఉందని భావిస్తున్నారు. అతడిపై పలు క్రిమినల్ కేసులు కూడా ఉన్నట్లు పోలీసులు తెలిపారు.

ఆ కక్షతోనే

తనపై అనవసర, అసత్య ప్రచారాలు చేస్తున్నారన్న కారణంతోనే అతడిని డ్రైవర్ గా తొలగించి మార్టిన్ అనే వ్యక్తిని నియమించుకుంది. అయితే ఈ సంఘటన తర్వాత మార్టిన్ మీద కూడా అనుమానాలు పెరిగాయి.

మార్టిన్ కు తెలిసే జరిగిందా?

మార్టిన్ కు తెలిసే ఇదంతా జరిగిందా? అనే కోణంలో పోలీసులు అతడిని అదుపులోకి తీసుకుని విచారిస్తున్నారు. టెంపో నుండి కొందరు వ్యక్తులు తన కారులోకి బలవంతంగా ప్రవేశించిన సమయంలో మార్టిన్ ప్రవర్తన అనుమానం గా ఉందని భావన పోలీసులకు తెలిపినట్లు సమాచారం. మార్టిన్ సహాయంతోనే పల్సర్ సునీల్ ఈ చర్యకు పాల్పడినట్లు అనుమానిస్తున్నారు.

అదుపులో ఒకరు, ఇద్దరి కోసం గాలింపు

పోలీసులు మార్టిన్ ను అదుపులోకి తీసుకుని విచారిస్తున్నారు. మరో ఇద్దరి కోసం గాలిస్తున్నారు.