అలాంటివి చూసి ఎంతో విసిగిపోయా.. ఆర్జీవికి శ్రద్దాదాస్ కౌంటర్!

నెపోటిజంపై చర్చ..

సుశాంత్ మరణం తరువాత బంధుప్రీతిపై విపరీతమైన చర్చ జరిగింది. ఇంకా జరుగుతూనే ఉంది. నెపోటిజం కారణంగా కొత్త వారు రాలేకపోతున్నారని, బయటి వ్యక్తులు తమ ప్రతిభను నిరూపించుకోలేకపోతున్నారని కొందరు అంటుంటే.. వర్మ లాంటి మేధావులు మాత్రం ఇంకో రాగాన్ని అందుకున్నారు.

ప్రతీచోటా ఉంటుంది..

నెపోటిజం అనేది ప్రతీ చోటా ఉంటుందని, అది లేకపోతే సమాజమే ఉండదని రామ్ గోపాల్ వర్మ చెప్పుకొచ్చాడు. అంబానీ సంపాదించి వారి కొడుకులకే ఇస్తాడని, చంద్రబాబు తన కుమారుడు లోకేష్‌కే పట్టం గడతాడని, చిరంజీవి రామ్ చరణ్‌ను హీరోగా చేస్తారని అది సహజమని నెపోటిజాన్ని సమర్థించాడు. అయితే తాజాగా శ్రద్దాదాస్ ఇలాంటి కామెంట్లపై సెటైర్స్ వేసింది.

వర్మకు కౌంటర్..

అయితే శ్రద్దా దాస్ చేసిన కామెంట్లు ఎవరిని ఉద్దేశించినవో కచ్చితంగా చెప్పలేం కానీ.. అవి వర్మ వ్యాఖ్యలకు పూర్తి విరుద్దంగా ఉన్నాయి. ఇంతకీ శ్రద్దా దాస్ ఏమని ట్వీట్ చేసిందో ఓ సారి చూద్దాం. ‘నెపోటిజంపై జరుగుతున్న చర్చలను చూసి విసిగిపోయాను.. పైగా ప్రతీ రంగంలోనూ అలానే ఉంటుందని చాలామంది అంటున్నారు. తల్లీదండ్రులు వారి వారసత్వాన్ని కొడుకులకు ఇస్తారని చెబుతున్నారు. అయితే మా పేరెంట్స్ డాక్టర్స్, ఇంజనీర్స్ అయితే.. ఎలాంటి పరీక్షలు లేకుండా డైరెక్ట్‌గా అవ్వగలనా?'అని ప్రశ్నించింది.

Recommended Video

Sonam Kapoor Trolls: Kangana Ranaut ను చూసి బుద్ది తెచ్చుకో, Shraddha Kapoor కు నీకు తేడా అదే !

ప్రతీ ఒక్కరికీ అవకాశాలు..

అయితే ప్రతీ ఒక్కరికీ అవకాశాలు వస్తాయని, కానీ బ్యాక్ గ్రౌండ్ ఉన్నవారికి రెడ్ కార్పెట్ పరిచి మరీ ఛాన్స్ ఇస్తారని, అదే కొత్తవారు మాత్రం ఎన్నో ప్రయాసాలు పడాలని శ్రద్దాదాస్ చెప్పుకొచ్చింది. ఓ పెద్ద సినిమాలో అవకాశం రావాలన్నా, పెద్ద డైరెక్టర్లను అప్రోచ్ కావాలన్నా కొత్తగా వచ్చిన వారికి చాలా కష్టమంటూ నెపోటిజాన్ని వ్యతిరేకిస్తూ శ్రద్దాదాస్ ట్వీట్స్ చేసింది.