శ్రియాపై పోలీసు ఫిర్యాదు

By Staff

Published: Thursday, March 12, 2026, 5:59 [IST]

శివాజీ చిత్రంలో తమిళ సూపర్ స్టార్ రజనీకాంత్ సరసన నటించిన శ్రియాపై చెన్నైలోని ఒక స్థానిక హిందు సంస్థ పోలీసులకు ఫిర్యాదు చేసింది. శివాజీ చిత్రం 175 రోజుల సంబరాల సందర్భంగా ధరించిన దుస్తులను తప్పు పడుతూ ఆ సంస్థ శ్రియాపై ఫిర్యాదు చేసింది. శ్రియా ధరించిన దుస్తులు హిందూ సంప్రదాయాన్ని కించపరిచేవిగా ఉన్నాయని హిందూ మక్కల్ కచ్చి (హెచ్ ఎంకె) అనే సంస్థ ఈ ఫిర్యాదు చేసింది. ఈ ఫిర్యాదుపై దర్యాప్తు జరుపుతున్నామని పోలీసులు చెప్పారు. ఈ సంబరాల్లో తమిళనాడు ముఖ్యమంత్రి కరుణానిధి కూడా పాల్గొని నటీనటులకు, సాంకేతిక నిపుణులకు మెమెంటోలు ప్రదానం చేశారు. ఇటీవలి కాలంలో రాజకీయ పార్టీల ఆగ్రహానికి గురైన రెండో తార శ్రియా. ఇంతకు ముందు కుష్బూ ఇదే విధమైన పరిస్థితిని ఎదుర్కుంది.

More from Filmibeat