పంచెకట్టులో శృతి హాసన్ విదేశీ ప్రియుడు, కమల్‌తో పెళ్లి వేడుకలో.. (ఫోటోస్)

పెళ్లికి సిద్ధమయ్యారా?

మైఖేల్ కోర్సల్ కొన్ని రోజులుగా తన ప్రియురాలు శృతి హాసన్ తో కలిసి ఇండియాలోనే ఉంటున్నారు. ఇపుడు ఏకంగా తమిళ సాంప్రదాయ దుస్తువుల్లో శృతి హాసన్, కమల్ హాసన్‌తో కలిసి పెళ్లి వేడుకకు హాజరు కావడంతో అందరూ ఆశ్చర్యపోయారు. ఇద్దరూ త్వరలో పెళ్లి చేసుకోబోతున్నారని చెప్పడానికి ఇంతకంటే సాక్ష్యం ఏమి కావాలని గుసగుసలు వినిపిస్తున్నాయి.

కమల్ హాసన్ నుండి గ్నీన్ సిగ్నల్

నటుడు కమల్ హాసన్ చాలా అభ్యుదయ భావాలు కలిసిగిన వ్యక్తి అనే సంగతి తెలిసిందే. తన ఇద్దరు కూతుళ్లకు ప్రతి విషయంలో కావాల్సినంత స్వేచ్ఛ ఇచ్చిన ఆయన శృతి హాసన్ ప్రేమ, పెళ్లి విషయంలో కూడా నిర్ణయం ఆమెకే వదిలేశాడట.

పర్సనల్ విషయాలు చెప్పను అంటున్న శృతి

శృతి హాసన్, మైఖేల్ కోర్సల్ కు సంబంధించిన ఫోటోలు ఇంటర్నెట్లో వైరల్ అయ్యాయి. అయితే మైఖేల్ తో రిలేషన్ షిప్ గురించి మాట్లాడమంటే శృతి హాసన్ నో అంటోంది. తన పర్సనల్ లైఫ్ విషయాలు పంచుకోవడం ఇష్టం లేదని ఇటీవల ఓ ఇంటర్వ్యూలో తేల్చి చెప్పారు.

శభాష్ నాయుడు మూవీలో

ప్రస్తుతం శృతి హాసన్ శభాష్ నాయుడు సినిమాలో తండ్రి కమల్ హాసన్ తో కలిసి నటిస్తోంది. ఈ చిత్రానికి నిర్మాత, దర్శకుడు, కథా రచయిత, హీరో కూడా కమల్ హాసనే. వచ్చే ఏడాది ఈ చిత్రం ప్రేక్షకుల ముందుకు రాబోతోంది.