Don't Miss!
- News బీఆర్ఎస్కు బిగ్ షాక్.. కాంగ్రెస్ తీర్ధం పుచ్చుకున్న వరంగల్ నగర మేయర్ గుండు సుధారాణి
- Sports SRHకు భయపడి CSK సంచలన నిర్ణయం: ధోనీ మైండ్ గేమ్?
- Finance Stock Market Close: భారీ లాభాల్లో ముగిసిన స్టాక్ మార్కెట్లు..
- Lifestyle హడలెత్తిస్తున్న Bird Flu పాలు,గుడ్లు మరియు చికెన్ తినడం సురక్షితమేనా?మనుషులకూ వ్యాపిస్తుందా..నిపుణులు ఏమంటారు?
- Technology Infinix GT 20 Pro 5G డిజైన్ రెండర్లు లీక్ అయ్యాయి! స్పెసిఫికేషన్ల వివరాలు
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
మాస్ హీరోను పట్టేసిన శృతిహాసన్.. ఇకనైనా ఆయనకు సక్సెస్ దక్కేనా!
కాటమరాయుడు తర్వాత అటు తెలుగులో గానీ, తమిళంలో గానీ సినిమాలు అంగీకరించకపోవడంతో శృతిహాసన్ పెళ్లి చేసుకోబోతున్నారంటూ మీడియాలో కథనాలు వెల్లువెత్తాయి. లండన్ ప్రియుడు కోర్సలేతో అతిసన్నిహితంగా ఉంటూ అతడితో అప్పట్లో చెన్నైలో ఓ పెళ్లికి హాజరవ్వడం చర్చనీయాంశమైంది. అయితే తాజాగా ప్రస్తుతం మాస్ మహారాజా రవితేజ తదుపరి చిత్రం అమర్ అక్బర్ ఆంథోని చిత్రంలో నటించేందుకు గ్రీన్ సిగ్నల్ ఇచ్చేసింది.
కాటమరాయుడు చిత్రంలో
మార్చి 2017లో రిలీజైన కాటమరాయుడు చిత్రంలో చివరిసారిగా శృతిహాసన్ కనిపించింది. దర్శకుడు సుందర్ సీ ప్రతిష్టాత్మకంగా రూపొందించే సంఘమిత్రలో టైటిల్ రోల్ పాత్ర పోషించేందుకు సిద్ధమైంది. అయితే కొన్ని కారణాల వల్ల ఆ చిత్రం నుంచి శృతి తప్పుకోవడం వివాదంగా మారింది.
అమర్ అక్బర్ అంథోనిలో రవితేజతో
ఆ తర్వాత మైఖేల్ కోర్సలేతో అడపాదడపా కనిపిస్తూ వార్తల్లో నిలిచిన శృతిహాసన్ ఇక సినిమాలకు గుడ్ బై చెప్పనున్నారనే నేపథ్యంలో అమర్ అక్బర్ అంథోనిలో రవితేజ్తో కలిసి నటించేందుకు అంగీకరించారు. గతంలో వీరిద్దరూ నటించిన బలుపు చిత్రం మంచి విజయాన్ని చేజిక్కించుకొన్న సంగతి తెలిసిందే.
దర్శకుడిగా శ్రీను వైట్ల
వరుస ఫ్లాపులతో సతమతమవుతున్న శ్రీను వైట్ల దర్శకత్వంలో అమర్ అక్బర్ ఆంథోని రూపొందనున్నది. గతంలో శ్రీనువైట్ల రూపొందించిన ఆగడు చిత్రంలో ఓ స్పెషల్ పాత్రలో మెరిసింది. మరోసారి శ్రీనువైట్లతో జతకట్టడం ఆసక్తికరంగా మారింది.
మహేష్ మంజేక్రర్
అంతేకాకుండా ఓ బాలీవుడ్ చిత్రంలో నటించేందుకు కూడా శృతిహాసన్ ఒప్పుకొన్నారు. ఈ చిత్రానికి ప్రముఖ నటుడు, దర్శకుడు మహేష్ మంజ్రేకర్ దర్శకత్వం వహిస్తున్నారు. ఈ చిత్రంలో యువ నటుడు విద్యుత్ జమ్వాల్ హీరోగా నటిస్తున్నారు.