తమన్నా కి ట్విస్ట్.... ఆ ప్లేస్ లోకి శ్రుతిహాసన్

ముంబై: శృతిహాసన్ టైమ్ మొదలైంది. గబ్బర్ సింగ్ తర్వాత ఆమె గోల్డెన్ లెగ్ గా మారిపోయింది. బలుపు విజయంతో ఆమెకు తెలుగులోనూ హవా మొదలైంది. మరోప్రక్క రామయ్య వస్తావయ్యా, డి డే విజయం సాధించటంతో బాలీవుడ్ సైతం ఆమెను కన్సిడర్ చేస్తోంది. ఈ నేపధ్యంలో తమన్నాకు అనుకున్న ప్రాజెక్టు ...శ్రుతిహాసన్ కి చేరింది.

శృతి హాసన్

విజయకాంత్‌ ప్రధానపాత్రధారిగా ఏఆర్‌ మురుగదాస్‌ దర్శకత్వంలో గతంలో విడుదలైన చిత్రం 'రమణ'. ఆ చిత్రం తెలుగులో ఠాగూర్ పేరుతో విడుదలై ఇక్కడా మంచి విజయం సాధించింది. అవినీతి వ్యతిరేక కథాంశంతో తెరకెక్కి భారీ విజయాన్ని సొంతం చేసుకుంది. ఇప్పుడు హిందీలో రీమేక్‌ అవుతోంది.

అక్షయ్‌కుమార్‌ హీరో . క్రిష్‌ దర్శకుడు. అక్షయ్‌కి జంటగా తమన్నా నటించనున్నట్లు వార్తలు వినిపించాయి. ఇప్పుడు ఆ అవకాశం కమల్‌ గారాలపట్టి శ్రుతిహాసన్‌ను చేరినట్టు తెలుస్తోంది. ఈ విషయాన్ని నిర్మాణవర్గాలు కూడా ధ్రువీకరించాయి. శ్రుతిహాసన్‌ హీరోయిన్ గా బాలీవుడ్‌లో కెరీర్‌ను ప్రారంభించింది. 'లక్‌' ద్వారా వచ్చిన ఆమెకు ఆశించిన స్థాయిలో విజయం దక్కలేదు. ఇప్పుడు తెలుగు, తమిళ పరిశ్రమల్లో గుర్తింపు తెచ్చుకున్న శ్రుతికి ఈసారి ఎలాంటి ఫలితం ఎదురవుతుందో వేచిచూడాలి.