సమంత తో పెళ్లి గురించేనా సిద్దార్ద చెప్పింది?

ఇప్పటికే ఒక పెళ్ళి అయి విడాకులు తీసుకున్న సిద్దార్ధ తమిళనాడుకు చెందిన హిందూ కాగా, సమంత కేరళకు చెందిన క్రిస్టియన్‌.

సిద్దార్ధ కొంతకాలంక్రితం కమలహాసన్‌ కుమార్తె శృతిహాసన్‌తో చెట్టాపట్టాలు వేసుకుని తిరిగిన సంగతి తెలిసిందే. అయితే, ఏమయిందో, ఏమోగానీ తర్వాత వాళ్ళిద్దరూ విడిపోయారు.

హిందీలో 'రంగ్ దే బసంతి' చేసే కాలంలో సైఫ్ అలీఖాన్ చెల్లెలు సోహా అలీఖాన్‌తో డేటింగ్ చేస్తున్నాడంటూ ప్రచారం జరిగింది. తెలుగులో 'కొంచెం ఇష్టం కొంచెం కష్టం' సినిమా చేసేప్పుడు ఆ సినిమా హీరోయిన్ తమన్నాకీ, ఆయనకీ మధ్య 'సమ్‌థింగ్' నడుస్తోందంటూ ఊహాగానాలు చెలరేగాయి. ఆపైన 'అనగనగా ఓ ధీరుడు' చేసేటప్పుడు ఆ చిత్ర కథానాయకి శ్రుతి హాసన్‌తో ఆయన ప్రేమాయణం నడుపుతున్నాడంటూ గోలపుట్టింది.

ఈసారి మరింత బలంగా నేటి సంచలన తార సమంతతో సిద్ధార్థ్ పేరును ముడిపెడుతూ కొంత కాలంగా మీడియాలో ప్రచారం జరుగుతూ వస్తోంది. ఆ ఇద్దరూ కలిసి 'జబర్దస్త్' సినిమా చేశారు. అప్పట్నించే ఇద్దరూ చెట్టాపట్టాలేసుకుని తిరుగుతున్నారంటూ ప్రచారంలోకి వచ్చింది.

సమంతతో అనుబంధం గురించి అడిగినప్పుడు సిద్ధార్థ్ ఖండించనూ లేదు, అలాగని ఒప్పుకోనూ లేదు. తన పెళ్లి విషయం తన తల్లిదండ్రులే చూసుకుంటారని చెప్పాడు. ఇటీవల శ్రీకాళహస్తికి సిద్ధార్థ్, సమంత ఏక కాలంలో తమ కుటుంబాలతో కలిసి వెళ్లి కలిసే సర్పదోష నివారణ పూజలు చేయడంతో వారి పెళ్లి ఖాయమంటూ కథనాలు జోరందుకున్నాయి. ఈ నేపథ్యంలో పెళ్లికి సిద్ధంగా ఉన్నానని సిద్ధార్థ్ తెలపడంతో ఆ రోజు అతి చేరువలో ఉన్నదనే సంకేతం ఇచ్చినట్లయింది.