సైమా అవార్డ్స్: విజేతల పూర్తి జాబితా.. రికార్డులు బద్దలు కొట్టిన ‘రంగస్థలం’..

Updated: Tuesday, September 3, 2019, 15:10 [IST]

మహానటికే ఫిదా

ఇటీవల ప్రకటించిన జాతీయ అవార్డుల్లో ఉత్తమ నటి అవార్డును గెలుచుకున్న కీర్తీ సురేష్‌కే సైమా అవార్డు దక్కింది. ‘మహానటి'లో కనబరిచిన అత్యుత్తమ నటనకు జ్యూరీ సభ్యులు ఓటేశారు. దీంతో కీర్తి ఖాతాలో మరో ప్రతిష్టాత్మక అవార్డు వచ్చి చేరింది. అలాగే, ఉత్తమ చిత్రం కూడా ఈ సినిమాకే దక్కింది. దీనితో పాటు ఈ చిత్రంలో నటించిన రాజేంద్ర ప్రసాద్‌కు ఉత్తమ సహాయ నటుడు అవార్డు లభించింది.

సత్తా చాటిన రంగస్థలం

మెగా పవర్ స్టార్ రామ్ చరణ్ - లెక్కల మాస్టారు సుకుమార్ కాంబినేషన్‌లో వచ్చిన ‘రంగస్థలం' సినిమా సైమా అవార్డుల్లో సత్తా చాటింది. మొత్తం 12 విభాగాల్లో నామినేట్ అయిన ఈ సినిమా తొమ్మిది అవార్డులను కైవసం చేసుకుని రికార్డులను బద్దలు కొట్టింది. ఈ చిత్రానికి గానూ ఉత్తమ నటుడిగా రామ్ చరణ్, ఉత్తమ దర్శకుడి విభాగంలో సుకుమార్, ఉత్తమ సహాయ నటిగా అనసూయ సహా ఎన్నో అవార్డులు వచ్చాయి.

చిన్న సినిమాగా వచ్చి మూడు అవార్డులు

2018లో చిన్న సినిమాగా వచ్చి పెద్ద విజయం సాధించిన చిత్రం ‘RX100'. అజయ్ భూపతి అనే నూతన దర్శకుడు తెరకెక్కించిన ఈ సినిమాలో కార్తికేయ - పాయల్ రాజ్‌పుత్ జంటగా నటించారు. యదార్థ ప్రేమకథ ఆధారంగా వచ్చిన ఈ సినిమాకు మూడు అవార్డులు దక్కాయి. ‘రంగస్థలం', ‘మహానటి' తర్వాత ఈ సినిమాకే ఎక్కువ అవార్డులు వచ్చాయి.