For Quick Alerts
    ALLOW NOTIFICATIONS  
    For Daily Alerts

    నాలో నేను... నాతో నేను!

    By Srikanya
    |

    బిపాషా బసు... ఆ మధ్య 'రాజ్‌-3'తో ప్రేక్షకులను భయపెట్టింది. అలాగని ఆమెకి భయం లేదా అంటే... ఉందనే చెబుతోంది. చాలా అంశాలు ఆమెని భయపెడుతుంటాయట. అవేంటంటే...

    అభద్రత: చేసిన పని అనుకున్న ఫలితాన్ని ఇవ్వకపోయినా... ఏదైనా విషయంలో నా ఆలోచన తప్పు అని తెలిసినా... లేదా, ఎవరినైనా తప్పుగా అర్థం చేసుకున్నానని అనుకున్నా... అభద్రతకి లోనౌతుంటాను. రేపట్నుంచీ నన్ను ఎవ్వరూ గుర్తించరేమో పట్టించుకోరేమో అభిమానించరేమో అనిపిస్తూ ఉంటుంది. ఈ భావన ఒక్కోసారి మూడునాలుగు రోజులు వెంటాడుతూనే ఉంటుంది.

    ఒత్తిడి: పని ఒత్తిడి ఎప్పుడూ నన్ను భయపెట్టదు. కానీ, నా గురించి పూర్తిగా తెలియనివాళ్లు నాపై కామెంట్లు చేస్తుంటే చాలా ఒత్తిడికి గురైపోతుంటాను. నా వ్యక్తిగత జీవితాన్ని టైమ్‌పాస్‌ సబ్జెక్టుగా మార్చేసేవాళ్లు అప్పుడప్పుడూ ఎదురవుతుంటారు. అలాంటప్పుడు వాళ్లని కడిగిపారేద్దాం అనిపిస్తుంది... ఆ క్షణమే వద్దులే వదిలేద్దాం అనిపిస్తుంది. ఈ రకమైన ఒత్తిడి నన్ను భయపెడుతుంటుంది.

    సమయం: టైమ్‌ రోజూ భయపెడుతూనే ఉంటుంది. అనుకున్న సమయానికి అనుకున్నట్టు ఏ పనులు పూర్తికాకపోయినా గడియారం నన్ను తిడుతున్నట్టు భావిస్తాను. ఉదయాన కాస్త ఆలస్యంగా నిద్రలేచినా... జిమ్‌కి వెళ్లడం బద్ధకించినా గడియారం నావైపు కోపంగా చూస్తున్నట్టు అనిపిస్తుంది.

    స్నేహితులు: స్నేహితులంటే భయాన్ని పోగొట్టేవారు. కానీ, కొందరుంటారు... భయపెట్టేవారు. మనముందు ఒకలా పక్కకెళ్లాక మరోలా మాట్లాడేవారంటే నాకు చాలా భయం. మొదట్లో ఇలాంటివారు చాలామందే ఉండేవారు. ఇప్పుడిప్పుడే అలాంటివాళ్లకు దూరంగా ఉండటం నేర్చుకుంటున్నాను.

    వయసు: నన్నేకాదు, చాలామందిని భయపెట్టేది ఇదే. ఏదో సాధించాలనుకుంటాం. కానీ, రోజులు అలాఅలా గడిచిపోతుంటాయి. పెరుగుతున్న వయసు ఒక్కోసారి మన లక్ష్యాలని మార్చేస్తుంది. అలా మారిపోతానేమో అని భయపడుతుంటాను. అందుకే వ్యాయామాలని వదులుకోలేను.

    English summary
    Tamil hero Simbu is making his presence felt in Telugu film industry with his voice. Now he sung ‘diamond girl’ song in NTR’s Baadshah. Thaman composes music. Baadshah is also simultaneously going through postproduction. The rerecording of first half is currently going on. . Baadshah directed by Seenu Vytla and produced by Ganesh Bandla is all set to release on 5 April.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X