పవన్, ప్రిన్స్ లకు విశాల్ ట్వీస్ట్?

పవన్ కళ్యాణ్, మహేష్ బాబులతో పెద్ద సినిమాలు చేస్తున్న సింగనమల రేమేష్ తాజాగా విశాల్ హీరోగా మరో చిత్రానికి శ్రీకారం చుట్టబోతున్నట్లు సమచారం. తిరు అనే కొత్త డైరక్టర్ పరిచయం అవుతున్న ఈ చిత్రంలో విశాల్ ప్లే బోయ్ గా కన్పించనున్నారని సమాచారం. ఇక విశాల్ సరసన శ్రియ, రీమాసేన్ హీరోయిన్స్ గా అలరించనున్నారు. అలాగే విశాల్, రీమాసేన్ మధ్య ఎఫైర్ ఉందని అతనే ఆమెను రికెమెండ్ చేసాడని, అది బయ్యర్స్ ని ప్రేక్షకులను ఆకర్షించటానికే అంటున్నారు. అంతేగాక రేపు రిలీజ్ కానున్న పిస్తా కాంబినేషన్ అయిన శ్రియ కూడా పెట్టడం వెనక కమర్షియల్ ప్లానింగ్ ఉందని తెలుస్తోంది.

పిస్తా హిట్టయితే ఆ హాట్ పెయిర్ తో వెంటనే స్టార్ట్ చేసిన కాంబినేషన్ తమదే అయ్యి మార్కెట్ లో క్రేజ్ వస్తుందనే వారి ఆలోచన అంటున్నారు. ఇక ఈ కొత్త చిత్రం షూటింగ్ వచ్చే నెలలో ప్రారంభం కానుంది. హైదరాబాద్ లోనే ఎక్కువ భాగం షూట్ చేయనున్నారు. అలాగే ఈ చిత్రమే కొమురం పులి, వరుడు చిత్రాల కన్నా ముందు రిలీజ్ అయ్యే అవకాశం ఉందంటున్నారు. అసలు విశాల్ ని తీసుకోవటానికి కారణం అతను పిస్తాను రికార్డు సమయంలో పూర్తి చేయటమేనని తెలుస్తోంది. ఈ నిర్ణయంతో నిర్మాణంలో విపరీతమైన లేటు చేస్తున్న పవన్, మహేష్ లకు పోటీ ఇవ్వటానికే నిర్మాత ఈ నిర్ణయం తీసుకున్నాడని కొందరు కామెంట్ చేస్తున్నారు.