వెల్ కం టు 'మాస్టర్ ఆఫ్ మేజిక్'

By Staff

Published: Monday, March 9, 2026, 5:01 [IST]

యాభై ఏళ్ళ క్రిందట రిలీజయిన 'మాయాబజార్' చిత్రంలోని ఘటోత్కచుడు పాత్రను గుర్తుపెట్టుకోని తెలుగు వారుండరు. ఆ పాత్ర చేసే సాహసాలు,చెప్పే సంభాషనలు.మాయలు,మంత్రాలు అన్నీ ఇన్నీ కావు. అవన్నీ చూసిన వారి మనస్సులో అవి మధుర స్మృతులుగా మిగిలిపోయి..మురిపిస్తూంటాయి. ఆ తరం అందుకున్న ఆ అపురూరమైన అమృత భాంఢాన్ని ఇప్పటి ఈ స్పీడ్ తరానికి చూపించాలనే ఆలోచన కొందరికి కలిగింది. అందులోనూ పిల్లలకి అమితంగా నచ్చే ఈ కథను వారి కిష్టమైన యానిమేషన్ భాషలో అందిస్తే మరింత బాగుంటుందని భావించారు. కాని ఈ క్లిష్టమైన భాద్యతను ఇష్టపడి పూర్తి చేసే సమర్ధుడు ఎవరు పూర్తి చేస్తార నే ఆలోచన కలిగింది. ఎందుకుంటే ఆ వ్యక్తికి ఊహల్లో పసితనం ఉండాలి. ఆలోచనల్లో భాద్యత గల పెద్దరింక ఉండాలి .చేతల్లో అద్బుతమైన మేథావితనం కన్పించాలి. అన్నిటిని మించి సహనం,ఓర్పు కావాలి. అప్పుడు ఈ లక్షణాలు అన్ని గల ఒక నవ యువకుడు వారు మనుస్సుల్లో గోచరించాడు.

ఆయనే వైవిద్యమైన వినోదాత్మక చిత్రాల రూప శిల్పి సింగితం శ్రీనివాసరావు గారు. వెంటనే ప్రపోజల్ ఆయన ముందు పెట్టటం ఆయన ఆనందంగా ప్రాజెక్టులోకి దూకేయటం జరిగింది. యుద్ద ప్రాతిపదికపై ఘటోత్కచుడు ప్రాణం పోసుకున్నాడు . పిల్లలును అలరించటానికి తన బాల్యాన్ని, అల్లరిని గుర్తు చేసుకున్నాడు. అంతేగాక మాయాబజార్ లోని 'వివాహభోజనంబు' పాటను మళ్ళీ ఎత్తుకుని మజా చేస్తున్నాడు. ఆడియో వచ్చే వారం టి.సిరీస్ ద్వారా మార్కెట్లో ప్రత్యక్షమవుతుందిట. ఇక ఈ హీరో యేడు భాషల్లో దేశం లోని పిల్లలందరికి అర్ధమయ్యేలా మాట్లాడతాడట. అందరికి నచ్చి ఇష్టపడే లా ఈ మెగాప్రాజెక్టుని తీర్చి దిద్దింది సూర్యదేవర వినోద్. ఇక ఈ చిత్రానికి స్క్రీన్ ప్లే కొ ఆర్డినేటర్ వి.బి.చౌదరి వహిస్తున్నారు. కథ,కథనం,దర్శకత్వం సింగితం శ్రీనివాసరావు గారు వహిస్తున్నారు. ఈ నెల 23 న థియోటర్లల్లోకి వచ్చి పిల్లలతో ఆడి పాడటానికి తన మంత్ర తంత్రాలు నేర్పటానికి ఘటోత్కచుడు ప్లాన్ చేసుకుంటున్నాడు. ప్లీజ్ వెల్ కం టు మాస్టర్ ఆఫ్ మేజిక్.

More from Filmibeat