ఆర్జీవికి ఎదురెళ్లడమా?: గీతా మాధురి సాహసమే.., సంచలన కామెంట్స్

అసలు వర్మ ఏమన్నారు:

'కేవలం హ్యాపీ న్యూ ఇయర్‌ అని విష్‌ చేస్తే సంతోషంగా ఉంటారనుకునే మూర్ఖులకు 'అన్‌హ్యాపీ న్యూఇయర్‌' చెప్పాలనుకుంటున్నాను. నిజంగా ఎదుటివారు సంతోషంగా ఉండాలని కోరుకునేవాళ్లు.. వారి ఆస్తులు, విలువైన వస్తువులు వేరొకరికి ఇచ్చేయాలి. కానీ..

విష్ చేయడం ఫ్రీ కాబట్టి..:

'కానీ ఎవరూ అలా చేయరు. విషెస్ చెప్పడంలో ఖర్చేమి లేదు కాబట్టి వాటితో సరిపెట్టుకుంటారు. ఏదేమైనా హ్యపీ న్యూఇయర్‌ చెప్పడం ఇష్టంలేని వారికి నూతన సంవత్సర శుభాకాంక్షలు' అని వర్మ సోషల్ మీడియాలో వ్యాఖ్యానించారు.

గీతా మాధురి స్పందన..:

'నా వరకైతే.. ప్రతీ రోజూ ప్రత్యేకమైనదే. అందరూ నవ్వుతూ బ్రతకాలని చెబుతుంటారు ఇందులో ఏ ఖర్చూ లేదు. ఆ మాదిరిగానే కొత్త సంవత్సర శుభాకాంక్షలు తెలపడం కూడా ఎదుటివారిలో అనుకూలతను పెంచడమే.'

'ఫ్రీ'గానే అయినా మంచిపని..:

'అంతేకాదు, ఇలా విషెస్ చెప్పడం ఉచితంగా అందరిలో అనుకూలతను పెంచడమే. ఒకవేళ దానికోసం ఏదైనా ఖర్చు చేస్తే తిరిగి దానినుండి మరేదైనా ఆశిస్తారు. ఇది కాసింత ప్రతికూలత పెంచే అవకాశం ఉంది'

కౌంటర్ ఇచ్చిందా?..:

విషెస్ చెప్పడం ఫ్రీ కాబట్టి అందరూ న్యూ ఇయర్ కు తెగ విష్ చేస్తారని రాంగోపాల్ వర్మ అంటే.. ఫ్రీ గానే ఎదుటోళ్లతో స్నేహాపూర్వక తత్వాన్ని, అనుకూలతను పెంచవచ్చని, అందుకు విషెస్ బాగానే తోడ్పడుతుందనేది గీతా మాధురి వాదన. పైగా.. ఫ్రీ విషెస్ కాకుండా, ఖర్చు చేసి విష్ చేస్తే ఇద్దరి మధ్య ప్రతికూలతలు పెరుగుతాయంటున్నారామె.