తిరుమలలో శ్రీవారిని దర్శించుకున్న సునీత.. పెళ్లి డేట్‌పై సింగర్ క్లారిటీ

వాయిదా అంటూ ప్రచారం..

డిజిట‌ల్ మీడియాకు చెందిన రామ్ వీర‌ప‌నేనిని తాను వివాహం చేసుకోబోతున్నాన‌ని సోష‌ల్ మీడియా ద్వారా సునీత ప్రకటించింది. నిశ్చితార్థం అయిందంటూ సునీత కొన్ని ఫోటోలను షేర్ చేసింది. కానీ పెళ్లి తేదీల్లో మాత్రం మార్పులు వచ్చాయి. సునీత పెళ్లి వాయిదా పడిందంటూ రకరకాల వార్తలు వచ్చాయి.

ప్రీ వెడ్డింగ్ పార్టీలు..

సునీత పెళ్లి తేదీపై ఎన్ని వార్తలు వచ్చినా కూడా ప్రీ వెడ్డింగ్ పార్టీలంటూ రచ్చ రచ్చ చేస్తున్నారు. సునీత ప్రీ వెడ్డింగ్ పార్టీని నితిన్ ఏర్పాటు చేశాడని టాక్ బయటకు వచ్చింది. ఈ ఈవెంట్‌లో రేణూ దేశాయ్, సుమ వంటి వారంతా సందడి చేశారు. ఈ ఈవెంట్‌కు సంబంధించిన ఫోటోలు సోషల్ మీడియాలో రచ్చ చేశాయి.

తిరుమలలో సునీత..

ఈ నేపథ్యంలోనే తన పెళ్లి డేట్ కన్ఫర్మ్ చేసిన ఆమె.. పెళ్లికి ముందు తిరుమల శ్రీవారిని దర్శించుకుంది దాదాపు 10 నెలల అనంతరం స్వామి వారిని వైకుంఠ ద్వారం ద్వారా దర్శించుకోవడం చాలా సంతోషంగా ఉందని సునీత చెప్పుకొచ్చింది. అక్కడి మీడియాతో మాట్లాడుతూ పెళ్లి తేదీపైనా క్లారిటీ ఇచ్చాడు.

పెళ్లి తేదీపై ప్రకటన..

జ‌న‌వ‌రి 9న త‌మ వివాహం జ‌ర‌గ‌నుంద‌ని సునీత పేర్కొంది. నిజానికి డిసెంబ‌ర్‌లో పెళ్లి చేసుకోవాల‌ని ఈ జంట భావించిన‌ప్ప‌టికీ ఇద్ద‌రి జాత‌కాల ప్ర‌కారం స‌రైన ముహూర్తాలు లేక‌పోవ‌డంతో జ‌న‌వ‌రి 9వ తేదీన ఈ మూడు మూళ్ళ బంధానికి ముహూర్తం ఫిక్స్ చేసినట్టు తెలుస్తోంది. సన్నిహితులు, కుటుంబ సభ్యుల నేపథ్యంలో పెళ్లి వేడుకలు సింపుల్ జరుగనున్నట్టు తెలుస్తోంది.