అభిమాని చర్యకు షాక్.. గుండెపై పచ్చబొట్టు.. సింగర్ యశస్వి క్రేజ్‌కు నిదర్శనం

సరిగమప షోలో..

సరిగమప నెక్స్ట్ సింగింగ్ ఐకాన్ షోలో యశస్వీ కొండెపూడి సంచలనంగా మారింది. లైఫ్ ఆఫ్ రామ్ అనే పాటను పాడి అందరి దృష్టిని ఆకర్షించాడు. తన గాత్రంలోని మాధుర్యంతో అందరినీ కట్టిపడేశాడు. అయితే అంతకు ముందు కూడా యశస్వీ పాటలు పాడుతూ ఫేమస్ అయ్యాడు. కానీ ఆ షోలో పాడిన పాటతో ఓవర్ నైట్ స్టార్ అయ్యాడు.

ప్రేమ వ్యవహారం..

అలా లైఫ్ ఆఫ్ రామ్ పాటను పాడి ఒరిజినల్ సింగర్ కంటే ఎక్కువగా ఫేమస్ అయ్యాడు. అలా యశస్వి ఎంతో మంది ప్రేమను సంపాదించుకున్నాడు. అయితే యశస్వీ తన ప్రేమను బయటపెట్టేశాడు. చిన్న తనం నుంచి తాను ప్రేమలో ఉన్నానని, ఆమె పేరు ఝాన్సీ అని త్వరలోనే పెళ్లి చేసుకోబోతోన్నామని చెప్పుకొచ్చాడు.

తాజాగా ఇలా..

తాజాగా యశస్వీ కొండెపూడి ఓ పాట పాడాడు. ప్రియా ప్రియా చంపొద్దే అనే పాటను పాడాడు. అయితే ఆ ప్రియా ఎవరో చెప్పమని జడ్జ్‌లు అడుగుతున్నారని అంటూ ప్రదీప్ కౌంటర్ వేశాడు. అది నిజమని భావించి యశస్వీ తన ప్రేయసి పేరును చెప్పేశాడు. ఝాన్సీ అంటూ అందరి ముందే బయటపెట్టేశాడు.

అభిమానిని..

యశస్వీ కొండెపూడికి ఇప్పుడున్న ఫాలోయింగ్ గురించి ప్రత్యేకంగా చెప్పనక్కర్లేదు. అయితే అందుకే నిదర్శనంగా ఓ అభిమానిని తాజాగా షోలోకి తీసుకొచ్చారు. యశస్వీ అభిమాని అంటూ షోలో అందరికీ పరిచయం చేశారు. అయితే ఆ అభిమాని చర్యకు అందరూ షాక్ అయ్యారు.

గుండెపై పచ్చబొట్టు..

అభిమానులు సాధారణంగా తమకు నచ్చిన వారిని పేర్లను పచ్చబొట్టుగా పొడిపించుకుంటారు. కొందరు బొమ్మలను కూడా వేయించుకుంటారు. ఆ అభిమాని మాత్రం గుండెపై యశస్వి బొమ్మను పచ్చబొట్టుగా వేసుకున్నాడు. అది చూసి యశస్వి ఎమోషనల్ అయి అతడిని హత్తుకున్నాడు.