Don't Miss!
- Technology Ai వీడియో కంటెంట్ ను గుర్తించడానికి Youtube కొత్త టూల్! ఎలా పనిచేస్తుంది?
- Travel ఐఆర్సీటీసీ VIZAG - ARAKU HOLIDAY PACKAGE మార్చి 22 నుంచే..
- News వైసీపీకి షాక్.. పార్టీకు గుడ్ బై చెప్పిన మరో ఎమ్మెల్యే
- Automobiles వయసు కేవలం నెంబర్ మాత్రమే!.. ఎందుకో వీడియో చూస్తే తెలుస్తుంది
- Sports రోహిత్ స్టార్ట్ చేశాడు.. ‘RIP హార్దిక్’ అంటూ పోస్ట్లు Video
- Finance Gold Loan: గోల్డ్లోన్స్ తీసుకున్నోళ్లకి హెచ్చరిక..! ఇవి తప్పక తెలుసుకోండి..
- Lifestyle సంపూర్ణ సూర్యగ్రహణం 2024: అమెరికాలోని వందలాది పాఠశాలలకు సెలవు, ఎందుకో తెలుసా?ఆరోజు ఏం జరుగుతుందో తెలుసా
మహేష్ కుమార్తె డ్రీమ్ మాములుగా లేదుగా.. డాక్టర్, ఇంజినీర్ కాదట..ఏంటో తెలుసా?
ఘట్టమనేని కృష్ణ వారసుడిగా సినీరంగ ప్రవేశం చేసిన సూపర్ స్టార్ మహేష్ బాబు తిరుగులేని విధంగా తెలుగులో సూపర్ స్టార్ అనిపించుకున్నారు. కృష్ణ వారసులుగా మరికొంతమంది ఎంట్రీ ఇచ్చారు కానీ మహేష్ బాబు మాత్రమే నిలబడ్డారు. ఇప్పుడు మహేష్ బాబు కుమారుడు గౌతమ్ కూడా ఇప్పటికే వన్ నేనొక్కడినే సినిమాలో మహేష్ చిన్నప్పటి పాత్రలో కనిపించి అలరించారు. ఇప్పుడు సర్కారు వారి పాట సినిమాలో మహేష్ కుమార్తె సితార కూడా సినీ రంగ ప్రవేశం చేసింది. పెన్నీ పెన్నీ అంటూ సాగుతున్న పాటలో ఆమె కాలు కలిపి సందడి చేసింది. అయితే ఆ సాంగ్ సినిమాలో ఉంటుందా లేదా అనే విషయం పక్కన పెడితే ఆ పాట ద్వారా సితార కు మంచి పేరు రావడమే గాక సితార ద్వారా పాటకు క్రేజ్ రావడమే కాకుండా సినిమా మీద కూడా అంచనాలు పెంచే విధంగా వైరల్ అయింది.
చిన్న వయసులోనే సోషల్ మీడియాలో చాలా యాక్టివ్గా ఉండే సితార తన తండ్రి కళావతి సాంగ్ విడుదలైన వెంటనే దానికి రీల్స్ కూడా చేసింది. అది కూడా బాగా వైరల్ అయింది. సోషల్ మీడియాలో చాలా యాక్టివ్ గా ఉండే ఆమె వంశీ పైడిపల్లి కుమార్తె ఆధ్యతో కలిసి ఏకంగా ఒక యూట్యూబ్ ఛానల్ స్టార్ట్ చేయడమే కాక సరిలేరు నీకెవ్వరు సినిమా సమయంలో తన తండ్రిని ఇంటర్వ్యూ కూడా చేసి ఔరా అనిపించింది.. తాజాగా సర్కారు వారి పాట ప్రమోషన్స్ నేపథ్యంలో ఆమెను కూడా కొన్ని టీవీ ఛానళ్లు ఇంటర్వ్యూ చేశాయి. అందులో భాగంగా మీరు భవిష్యత్తులో ఏం అవ్వాలనుకుంటున్నారు మీ డ్రీమ్ ఏంటి అని అడిగితే నేను డాక్టర్ లేదా ఇంజనీర్ అవ్వాలని అనుకోవడం లేదు ఖచ్చితంగా యాక్టర్ అవ్వాలని అనుకుంటున్నాను అదే నా డ్రీమ్ అని ఆమె కుండ బద్దలు కొట్టేసింది.
తండ్రి మహేష్ బాబు హీరో కాగా తన తల్లి కూడా హీరోయిన్ గా మారి తరువాత మహేష్ ను ప్రేమ వివాహం చేసుకుని ఆ తర్వాత సినిమాలకు గుడ్ బై చెప్పింది. సితార మాటలను బట్టి చూస్తే ఆమె కూడా ఏదో ఒకరోజు హీరోయిన్ అవ్వక తప్పదు అన్న మాట. నిజానికి కృష్ణ కుటుంబం నుంచి కేవలం మహేష్ బాబు మాత్రమే కాదు తొలుత మహేష్ బాబు కంటే ముందే ఆయన సోదరుడు రమేష్ బాబు హీరోగా ఎంట్రీ ఇచ్చారు. కానీ ఆయన ఎక్కువ రోజులు సినిమాలలో కొనసాగలేక పోయారు. తర్వాత మహేష్ సోదరి మంజుల కూడా హీరోయిన్ గా ఎంట్రీ ఇచ్చారు అయితే ఒకటి రెండు సినిమాల తర్వాత ఆమె కూడా నటనకు దూరమయ్యారు. ప్రస్తుతానికి ఆమె కూడా సోషల్ మీడియాలో యాక్టివ్ అయ్యారు. కృష్ణ కుటుంబం నుంచి మహేష్ బాబు మరో సోదరి కుమారుడు అశోక్ కూడా హీరోగా మారారు. ఇటీవల ఆయన నటించిన హీరో అనే సినిమా విడుదలై మంచి పేరు తెచ్చుకుంది. ఇక మహేష్ సోదరి భర్త సుధీర్ బాబు కూడా ఒక హీరో అన్న సంగతి తెలిసిందే.