ఆమెతో..శివబాలాజి పెళ్ళి

By Staff

Published: Thursday, February 26, 2009, 15:00 [IST]

చందమామ చిత్రం తో ఇటీవలి కాలంలో మంచి విజయాన్ని నమోదు చేసిన శివబాలాజి ఇప్పుడు ఒక ఇంటివాడవ్వనున్నాడు. మార్చి ఒకటిన అతని ప్రేయసి స్వప్న మాధురిని పెళ్ళిచేసుకోనున్నారు. పుట్టింటికి రా చెల్లి చిత్రంలో అర్జున్ చెల్లెలి గా నటించిన స్వప్న మాధురి (మధుమిత) శివబాలాజీల నడుమ నడిచిన రెండున్నరేళ్ళ ప్రేమ ను ఇద్దరి కుటుంబాలూ ఆమోదించడం తో ఆ మధ్య హైదరాబాద్ లో గల గోల్కొండ హోటల్ లో నిశ్చితార్ధ కార్యక్రమం జరిగింది.

ఇంగ్లీష్ కాదల్ అనే తమిళ చిత్రం లో వీరిద్దరూ జంటగా నటిస్తున్నప్పుడు చిగురించిన ప్రేమ ఇప్పుడు పెళ్ళిగా మారింది. పెద్దగా హాడావుడీ ఏమీ లేకుండా కుటుంబ సభ్యుల సమక్షంలో ఈ కార్యక్రమం జరిగింది. నటుడు రాజీవ్ కనకాల, ముమైత్ ఖాన్ లు కూడా ఈ కార్యక్రమానికి హాజరయ్యారు. తామునుకున్నట్లు గానే స్వప్నమాధురి తమిళంలో చేస్తున్న చిత్రాలు పూర్తి చేయటంతో దంపతులు అవుతున్నామని శివబాలాజీ తెలిపారు. కళింగ పంక్షన్ హాల్ లో వివాహానికి ఏర్పాట్లు జరుగుతున్నాయి.

More from Filmibeat