హోమ్

న్యూస్

పవన్‌ కల్యాణ్ ‌తో 'గుడుంబా శంకర్‌' చిత్రాన్ని రూపొందించిన వీరశంకర్ దర్శకత్వంలో శివాజి నటించనున్నారు. అలాగే జెడి చక్రవర్తి కూడా మరో కీలకమైన పాత్రను పోషించనున్నారు. ఈ విషయమై దర్శకుడు మాట్లాడుతూ "వినోద ప్రధానమైన కథాంశంతో అల్లుకొనే చిత్రమిది. ప్రతి సన్నివేశం ఆసక్తికరంగా, వైవిధ్యంగా ఉంటుంది. దీంట్లోని ప్రధాన పాత్రలకు జేడీ, శివాజీ అయితేనే బాగుంటారు. తప్పకుండా వాళ్ల నటన ప్రేక్షకుల్ని అలరిస్తుంది అన్నారు. ఈ చిత్రం షూటింగ్ జులై నుంచి మొదలవుతుంది. త్వరలో మిగిలిన ముఖ్య తారాగణం వివరాలు వెల్లడిస్తామని నిర్మాతలు తెలిపారు. సూరితల్లి క్రియేషన్స్‌ పతాకంపై కాదులూరి చెల్లారెడ్డి, పిబి త్రినాథ్‌ ఈ చిత్రాన్ని నిర్మిస్తున్నారు. ఇక వీరశంకర్ ఇంతకుముందు యువరాజ్యం చిత్రాన్ని రూపొందిస్తున్నారని వార్తలు వచ్చాయి. కానీ అది ఇంకా రిలీజ్ కాలేదు.