హోమ్

న్యూస్

సోషల్ మీడియా బాగా విస్తరించడం, మీడియా చానెళ్లు పుట్టలు పుట్టలుగా పుట్టుకురావడం కారణంగా గాసిప్స్‌కి హద్దే లేకుండా పోతోంది. నిజానిజాల సంగతి దేవుడెరుగు.. రకరకాల కోణాల్లో గాసిప్స్ పుట్టించేస్తున్నారు గాసిప్ రాయుళ్లు. ఇటీవలి కాలంలో ఇలాంటి కొన్ని గాసిప్స్ సెలెబ్రిటీలను ఇరకాటంలో పెట్టిన సందర్భాలు ఉన్నాయి. అయితే వీటిపై ఎప్పటికప్పుడు క్లారిటీ ఇస్తూ తమపై వస్తున్న పుకార్లను ఖండిస్తూ వస్తున్నారు సదరు సెలెబ్రిటీలు. ఈ కోవలోనే గత కొన్ని రోజులుగా మెగా కాంపౌండ్ హీరో, స్టైలిష్ స్టార్ అల్లు అర్జున్ పై వస్తున్న వార్తలు కలకలం సృష్టిస్తున్నాయి. తాజాగా వీటిపై స్పందిస్తూ ట్వీట్ చేశాడు పీఆర్, నిర్మాత ఎస్‌కెఎన్.

'నా పేరు సూర్య' సినిమా తరువాత చాలా రోజుల గ్యాప్ తీసుకున్న అల్లు అర్జున్.. ప్రస్తుతం త్రివిక్రమ్ దర్శకత్వంలో ఓ సినిమా చేస్తున్నాడు. ప్రస్తుతం ఈ సినిమా షూటింగ్ శరవేగంగా జరుగుతోంది. అయితే షూటింగ్ సమయంలో సహాయ దర్శకుడిపై చేయి చేసుకున్నాడని, బన్నీ డిమాండ్ల కారణంగా ప్రొడ్యూసర్లు ఇబ్బందులు పడుతున్నారని రకరకాలుగా వార్తలు పుట్టుకొచ్చాయి. తాజాగా వీటిపై స్పందించిన బన్నీ పీఆర్ ఎస్‌కెఎన్.. ట్విట్టర్ ఖాతాలో ఓ ట్వీట్ ద్వారా స్వీట్ వార్నింగ్ ఇచ్చాడు.

Dear invisible enemy
Few Negative articles can't bring down 18 years hard work of a down to earth star. His dedication & helping nature always connect him with his followers
Let's see who ll have last smile
Super fantastic #AA19 getting ready& 20,21's pre production work in swing

— SKN (@SKNonline) July 27, 2019

"ప్రియ‌మైన అదృశ్య శ‌త్రువా.. 18 సంవత్సరాల పాటు ఎంతో క‌ష్ట‌ప‌డి సంపాదించుకున్న స్టార్ ఇమేజ్‌‌ని ఇలాంటి కొన్ని వ్యతిరేక వార్తలు డ్యామేజ్ చేయలేవు. అత‌ని అంకిత భావం, సాయం చేసే తత్వం అభిమానులకు మరింత దగ్గరయ్యేలా చేస్తుంది. ప్ర‌స్తుతం అల్లు అర్జున్ తన 19వ సినిమా షూటింగ్‌లో బిజీగా ఉన్నారు. మరోవైపు ఆయన 20, 21వ సినిమాల ప్రీ ప్రొడక్షన్ పనులు శరవేగంగా జరుగుతున్నాయి" అని ఎస్‌కెఎన్ పేర్కొన్నాడు.