ఊర కుక్కగా..'స్లమ్ డాగ్'?

By Staff

| Published: Friday, January 30, 2009, 14:53 [IST]

ప్రపంచవ్యాప్తంగా సంచలన కలెక్షన్స్ సంపాదిస్తున్న స్లమ్ డాగ్ మిలియనీర్ సినిమా తెలుగులో డబ్బింగ్ చేస్తున్నారని వినికిడి. ప్రముఖ దర్శకుడు కె.రాఘవేద్రరావు కుమారుడు కె.ఎస్.ప్రకాష్ ఈ చిత్రం రైట్స్ తీసుకున్నట్లు సమాచారం. అతను గతంలో మార్నింగ్ రాగా,బొమ్మలాట చిత్రాలని నిర్మించారు. దాదాపు డెబ్బై లక్షలు పోసి మరీ తమిళ,తెలుగు రైట్స్ తీసుకున్నాడని తెలుస్తోంది. ఇక మొదట తమిళ వెర్షన్ రిలీజ్ చేసి తర్వాత తెలుగు వెర్షన్ ప్లాన్ చేస్తున్నట్లు అంటున్నారు. ఇక ఈ సినిమా ఇక్కడ కూడా మంచి విజయం సాధిస్తుందని నిర్మాతలు భావిస్తున్నారు.

అయితే హిందీ వెర్షన్ అనుకున్నంతగా క్లిక్ కాకపోవటం కొంత వరకూ ఆలోచించాల్సిన విషయం అని కొందరంటున్నారు. అయినా ఎన్నో చెత్త సినిమా డబ్బింగ్ చేసి రిలీజ్ చేస్తున్న నిర్మాతలు ఇలాంటి మంచి సినిమాని అందించాలని ఆలోచన రావటం మంచి విషయమే. ఇక ఈ సినిమాకు తెలుగు టైటిల్ గా 'స్లమ్ డాగ్ మిలియనీర్' ని అనువాదం చేసి..'కోట్లు గెలిచిన ఊర కుక్క'..అనే పెడితే ఎలా ఉంటుందనే ఆలోచిస్తున్నట్లు ఫిల్మ్ నగర్ లో చెప్పుకుంటున్నారు..బాగోలేదు..కదా..ఏ తెలుగు అనువాదానికి ఏ టైటిల్ పెడితే బాగుంటుందంటరూ..కాస్త వాళ్ళకు సాయిం చేయండి.