'స్లమ్‌డాగ్‌'కు మరిరెండు

లాస్‌ ఏంజెలిస్‌: ప్రపంచ వ్యాప్తంగా సంచలనం సృష్టిస్తున్న స్లమ్ డాగా మిలియనీర్ తాజాగా మరి రెండు అవార్డులను సొంతం చేసుకుంది. అమెరికా సినిమా పరిశ్రమకు చెందిన స్క్రీన్‌ యాక్టర్స్‌ గిల్డ్‌, ప్రొడ్యూసర్స్‌ గిల్డ్‌ అనే రెండు అత్యున్నత పురస్కారాలు లభించాయి. లాస్‌ ఏంజెల్స్‌లోని ష్రైన్‌ ఆడిటోరియంలో జరిగిన జరిగిన ప్రత్యేక కార్యక్రమంలో 2009 సంవత్సరానికి ప్రకటించిన స్క్రీన్‌ యాక్టర్స్‌ గిల్డ్‌ అవార్డును చిత్ర యూనిట్‌ తరపున బాలీవుడ్‌ నటుడు అనిల్‌ కఫూర్‌, సహ నటులు ఇర్ఫాన్‌ ఖాన్‌, దేవ్‌ పటేల్‌, ఫ్రీడా పింటో లతో కలిసి అందుకొన్నారు.

''నామినేషన్‌ దక్కడమే చాలా ఆనందకరమైన విషయం అనుకుంటే.. ఇప్పుడీ అవార్డు.. నమ్మలేకపోతున్నాను'' అని ఈ సందర్బంగా అనిల్‌ కపూర్‌ వ్యాఖ్యానించారు. 'స్లమ్‌ డాగ్‌..'లో నటించిన ముంబై మురికివాడ బాలలకు ఈ అవార్డును అంకితం చేస్తున్నట్టు ఈ సందర్భంగా అనిల్‌ ప్రకటించారు. తమ కన్నా వారి నటనే చిత్రాన్ని ఉన్నత స్థానంలో నిలిపిందని అభిప్రాయపడ్డారు. ఉత్తర అమెరికాలో వారానికి 10.55 మిలియన్‌ అమెరికా డాలర్లు వసూలు చేస్తూ 11 వారాలుగా ప్రదర్శించబడుతున్న ఐదు చిత్రాల జాబితాలో 'స్లమ్‌ డాగ్‌..' చేరింది.ఇక 'ఆస్కార్‌' రేసులో అత్యధిక నామినేషన్లను దక్కించుకున్న 'ద క్యూరియస్‌ కేస్‌ ఆఫ్‌ బెంజమిన్‌ బటన్‌'కు ఒక్క అవార్డు కూడా దక్కకపోవటం విశేషం.