ఓ పెద్ద నిర్మాత ఇదేం సినిమా? చెత్తబుట్టలో పడేయ్‌ అన్నారు

చిత్రం రషెస్‌ చూసిన ఓ పెద్ద నిర్మాత 'స్క్రీన్‌ప్లే చెత్తగా ఉంది. చెత్తబుట్టలో పడేయండి. స్క్రీన్‌ప్లే ఎలా ఉండాలో నా సినిమాలను చూసి నేర్చుకోండి' అన్నారు. కానీ నిర్మాత లగడపాటి నావెంటే ఉన్నారు. ఆ ధైర్యంతోనే సినిమా పూర్తి చేశానంటున్నారు 'స్నేహగీతం' దర్శకుడు మధుర శ్రీధర్. లార్‌స్కో సంస్థ పతకంపై 'స్నేహగీతం' చిత్రాన్ని లగడపాటి శిరీషా శ్రీధర్‌ నిర్మించారు. ఈ చిత్రం విడుదలై ఇటీవల 50 రోజుల్ని పూర్తి చేసుకొంది. ఈ సందర్భంగా ఆదివారం హైదరాబాద్‌ లో అర్ధ శతదినోత్సవాన్ని జరుపుకొన్నారు. ఈ పంక్షన్ కు అటెండయిన తమ్మారెడ్డి భరద్వాజ్‌ మాట్లాడుతూ..ఈ చిన్న సినిమా పెద్ద విజయం సాధించింది. కథని నమ్మి సినిమా తీస్తే విజయం ఖాయం అనడానికి 'స్నేహగీతం'లాంటి చిత్రాలు నిదర్శనంగా నిలుస్తాయి. ఈ చిత్రం 100 రోజుల వరకు పయనించాలి' అని ఆశ్వీదరించాలి. ఇంతకీ 'స్నేహగీతం' హిట్టేనా?