అంతా బాలయ్య వల్లే అంటూ హీరోయిన్ ఏడుపు

By Bojja Kumar

Published: Saturday, September 24, 2011, 10:19 [IST]

ఇండస్ట్రీకి వచ్చిన తొలి నాళ్లలో జూనియర్ ఐశ్వర్య అంటూ మంచి పేరు తెచ్చుకుంది స్నేహా ఉల్లాల్. అందంలో, రూపంలో ఐశ్వర్యరాయ్ ని పోలి ఉన్న ఆమెకు మంచి భవిష్యత్ ఉంటుందని అప్పట్లో తెగ ప్రచారం జరిగింది. అయితే అందుకు పూర్తిగా భిన్నంగా త్వరాత పరిణామాలు చోటు చేసుకున్నాయి. ఆమె నటించిన పలు సినిమాలు వరుస ప్లాపయ్యాయి. దక్కక దక్కక సింహా సినిమా ద్వారా హిట్ లభించినా.....ఆ హిట్టే ఆమెకెరీర్ కొంప ముంచింది. ఆ తర్వాత ఒక్కటంటే ఒక్క సినిమా అవకాశం కూడా స్నేహను వెతుక్కుంటూ రాలేదు. చాలా కాలం తర్వాత ఈ మధ్యే అల్లరి నరేష్ సరసన 'మడత కాజా" సినిమాలో హీరోయిన్ గా అవకాశం దక్కించుకుంది.

అయితే తన కెరీర్ ఇలా నాశనం కావడానికి కారణం బాలయ్యే అంటూ సన్నిహితుల వద్ద తెగ బాధ పడుతోందట స్నేహ ఉల్లాల్. బాలయ్య లాంటి ఏజ్ బార్ హీరో సరసన నటించడం వల్లనే ....యువహీరోలు తనకు అవకాశాలు ఇవ్వడం లేదని, ఆ సినిమా ద్వారా నాకు ఒరిగిందేమీలేదు, బాలయ్య సరసన హీరోయిన్ గా చేయడానికి ఒప్పుకుని తప్పు చేశానంటూ లోలోపల మదన పడుతోందట. అంతే కాదు ఇప్పడు అల్లరి నరేష్ సరసన హీరోయిన్ అవకాశం దక్కడంపై కూడా పెద్దగా సంతోషం లేదు ఈ భామ. కారణం అల్లరి నరేష్ తో నటించి ఒక్క హీరోయిన్ కూడా ఇండస్ట్ర్రీలో పాతుకు పోయినా దాఖలాలు లేదు. ఇప్పడు నా పరిస్థితి కూడా అంతే అనుకుంటోందని తెలుస్తోంది. కానీ తప్పని పరిస్థితి, ఇప్పటికే అవకాశాలు లేక పొజిషన్ చాలా టైట్ గా ఉంది. అందుకే మడతకాజకు ఒప్పుకుందట.

More from Filmibeat