బాలకృష్ణ ప్రక్కన ఆమె ఆనుతుందా?

బాలకృష్ణ హీరోగా బోయపాటి శ్రీను రూపొందిస్తున్నా 'సింహా' చిత్రంలో స్నేహా ఉల్లాల్ ఓ కీలకమైన పాత్రను పోషిస్తోంది. అయితే బాలకృష్ణ పర్శనాలిటి ముందు ఆమె ఆనుతుందా అని చాలా మంది సందేహం వ్యక్తం చేస్తున్నారు. అయితే ఓ పెద్ద హీరో ప్రక్కన అవకాశం రావటంతో ఆమె చాలా ఆనందంగా ఉన్నట్లు చెస్తోంది. అందులో ఆమె స్టూడెంట్ పాత్రను చేస్తోంది. ఆమె పాత్రను దర్శకుడు ఎంతో వైవిధ్యంగా మలిచారని, కథా గమనంలో ఆ పాత్ర కీలకంగా వుంటుందని తెలిసింది. ఇక జూనియర్ ఐశ్వర్యారాయ్ అనిపించుకున్న స్నేహ ఉల్లాల్ 'ఉల్లాసంగా..ఉత్సాహంగా' చిత్రంతో తెలుగులో కెరీర్ ప్రారంభించింది. ఆ తర్వాత మనోజ్‌తో 'నేను మీకు తెలుసా', సుశాంత్‌ తో 'కరెంట్‌' చిత్రంలో నటించిన ఈ భామకు ఇప్పుడు ఈ అరుదైన అవకాశం వరించింది. యునైటెడ్‌ మూవీస్‌ పతాకంపై పరుచూరి కిరీటి నిర్మిస్తున్న ఈ చిత్రంలో నమిత కూడా మరో హీరోయిన్ గా చేస్తున్నారు. ప్రస్తుతం ఈ చిత్రం హైదరాబాద్‌ పరిసరప్రాంతాల్లో షూటింగ్‌ జరుపుకుంటోంది. ఇక 'మిత్రుడు' అనంతరం బాలకృష్ణ చేస్తున్న చిత్రం ఇదే. అలాగే భధ్ర, తులసి అనంతరం చాలా గ్యాప్ తో బోయపాటి హిట్టు కోసం తపిస్తూ చేస్తున్న చిత్రం ఇది.