Don't Miss!
- Sports SRH vs RCB: ఫుల్ టాస్కు ఔటైన మార్క్రమ్.. నవ్వు ఆపుకోలేకపోయిన కోహ్లీ!వీడియో
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- News కాలేజ్ అమ్మాయి ఇంటికి వెళ్లిన సీఎం, పోలింగ్ కు ఒక్కరోజు ముందు ప్రతిపక్షాలకు ఝలక్!
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
టైగర్ బతికే ఉంది, పాపం జింక చచ్చిపోయింది: సల్మాన్ సినిమాపై జోకులు మామూలుగా లేవు
సల్మాన్ కొత్త సినిమా టైగర్ జిందా హై ట్రైలర్ వచ్చినప్పటినుంచీ "టైగర్ బతికుంది కానీ.. పాపం కృష్ణజింకే లేదు" అంటూ సల్మాన్ ఖాన్ పై జోకులు, పంచ్ డైలాగులు విసురుతున్నారు.
Recommended Video
సల్మాన్ ఖాన్, కత్రినా కైఫ్ ప్రధానపాత్రల్లో నటిస్తున్న చిత్రం 'టైగర్ జిందా హై'. అభిమానులు ఎప్పుడెప్పుడా అని ఎదురుచూస్తున్న ఈ చిత్రం 2015లో వచ్చిన 'ఏక్ థా టైగర్'కి సీక్వెల్గా రాబోతోంది. అలీ అబ్బాస్ జఫర్ ఈ చిత్రానికి దర్శకత్వం వహిస్తున్నాడు. కండల వీరుడు సల్మాన్ ఖాన్ నటించిన ఈ సినిమా ట్రయిలర్ ఈ మధ్యనే విడుదలైంది. సినిమా ఏ రేంజ్ లో ఉండబోతుందో కేవలం ట్రైలర్ లోనే చెప్పేసారు.
సల్మాన్ ఖాన్ కెరీర్ లోనే భారీ బడ్జెట్ చిత్రం
సినిమాలో మరో ఇంట్రెస్టింగ్ ఎలిమెంట్ కత్రినాకైఫ్. పాకిస్థానీ గూఢచారిగా కత్రినాకైఫ్ ఇందులో కనిపించనుంది. ఇండియన్ ఏజెంట్, పాకిస్థానీ గూఢచారి మధ్య రొమాన్స్ కూడా ఉంది ఈ సినిమాలో. కంప్లీట్ యాక్షన్ ఎడ్వంచరస్ మూవీగా, సల్మాన్ ఖాన్ కెరీర్ లోనే భారీ బడ్జెట్ చిత్రంగా, డిసెంబర్ 22న థియేటర్లలోకి వస్తోంది టైగర్ జిందా హై.
17 ఏళ్ల నుంచి 70 ఏళ్ల వరకు
ఈ చిత్రంలో సల్మాన్ ఖాన్ 70 ఏళ్ల వృద్ధుడిగా కన్పించనున్నట్లు తెలుస్తోంది. ఇప్పటివరకు విడుదలైన పోస్టర్లలో సల్మాన్ యువకుడిగా కన్పించారు. కానీ సినిమాలో 17 ఏళ్ల నుంచి 70 ఏళ్ల వరకు వివిధ గెటప్లలో కన్పిస్తారని బాలీవుడ్ వర్గాల సమాచారం.ఈ చిత్రాన్ని వాస్తవిక సంఘటనల ఆధారంగా తెరకెక్కించారు.
హాలీవుడ్ నుంచి టామ్ స్ట్రూథర్స్
ఈ విషయాన్ని సల్మాన్ ఇదివరకు ఓ ఇంటర్వ్యూలో వెల్లడించారు. అయితే అది ఏ ఘటన అన్న విషయాన్ని మాత్రం సల్మాన్ చెప్పలేదు.ఈ చిత్రంలో అదిరిపోయే ఫైటింగ్ సన్నివేశాలుఉంటాయని సల్మాన్ చెప్పారు. ఇందుకోసం హాలీవుడ్ నుంచి టామ్ స్ట్రూథర్స్ అనే స్టంట్ డైరెక్టర్ను పిలిపించారు.
భారీ ఆయుధాలతో
సినిమా చూస్తున్నంత సేపు సల్మాన్ హాలీవుడ్ చిత్రంలో నటించారా? అన్న ఫీలింగ్లో ఉండిపోతారని దర్శకుడు అలీ అన్నారు. ఈ పోరాట సన్నివేశాలను అబుదాబి, ఆస్ట్రియాలో తెరకెక్కించారు. గుర్రాలు, భారీ ఆయుధాలతో వీటిని తెరకెక్కించారు.
మరో సూపర్హిట్
"ట్యూబ్లైట్"తో ఈ ఏడాది భారీ ఫ్లాప్ను అందుకున్న సల్మాన్ "టైగర్ జిందా హై"తో మరో సూపర్హిట్ను అందుకోవడం ఖాయమని ఆయన అభిమానులు అంటున్నారు.
టైగర్ బతికుంది కానీ..
ట్రైలర్పై ప్రశంసల సంగతి ఎలా ఉన్నా.. కొందరు నెటిజన్లు మాత్రం ఈ సినిమా టైటిల్పై ఆసక్తికర పంచ్లు విసురుకుతున్నారు." టైగర్ బతికుంది కానీ.. పాపం కృష్ణజింకే లేదు" అంటూ జోకులు, పంచ్ డైలాగులు విసిరుతున్నారు.
టైగర్ సే బెహ్తర్ కోహి నహి కర్తా
"షికార్ థో సబ్ కర్తే హై లేకిన్ టైగర్ సే బెహ్తర్ కోహి నహి కర్తా" (అందరూ వేటాడుతారు కానీ , పులి కన్నా మెరుగ్గా ఎవరూ వేటాడలేరు) అంటూ ఈ సినిమాలో సల్మాన్ చెప్పిన డైలాగ్ను కూడా కృష్ణజింక కేసు విషయంలో ఉదహరిస్తున్నారు. కృష్ణజింకలను వేటాడిన కేసులో సల్మాన్ ఖాన్ కొన్నాళ్ల కిందటి వరకు నిందితుడిగా ఉన్న సంగతి తెలిసిందే.