2012లో సైఫ్, కరీనా పెళ్లి-కన్‌ఫర్మ్ చేసిన సోహా

బాలీవుడ్ స్టార్స్ సైఫ్ అలీఖాన్, కరీనా కపూర్ గత కొన్ని సంవత్సరాలుగా సహజీవనం చేస్తున్న సంగతి తెలిసిందే. పీకల్లోతు ప్రేమలో కూరుకుపోయి ఒకరినొకరు విడవలేకుండా గడుపుతున్న ఈ జంట ఇప్పటి వరకు పెళ్లి మాత్రం చేసుకోలేదు. అదిగో..ఇదిగో అంటూ తమ పెళ్లి విషయాన్ని తేల్చకుండా ఏవో కహానీలు చెప్పుకుంటూ తప్పించుకుంటున్నారు. అభిమానులు, మీడియా ఎన్ని సార్లు ఈ విషయమై ప్రశ్నించినా ఇప్పటి వరకు ఫెళ్లి ఎప్పడు జరుగుతుందనే విషయమై ఓ క్లారీటీ మాత్రం ఇవ్వలేదు.

ఈ నేపథ్యంలో సైఫ్ అలీఖాన్ సోదరి సోహా అలీఖాన్ ఎట్టకేలకు వీళ్ల పెళ్లి ఎప్పుడు జరుగుతుందనే ఉత్కంఠకు తెర తీసి కాస్త క్లారిటీ ఇచ్చింది. 2012లో ఇద్దరి పెళ్లి ఉంటుందని, ప్రస్తుతం సైఫ్ సినిమాలతో బిజీగా ఉన్నాడని చెప్పకొచ్చింది. ఈ సినిమా తర్వాత పెళ్లి ఏర్పాటు మొదలు పెడతామని స్పష్టం చేసింది. సైఫ్ తన స్వీయ దర్శకత్వంలో ఏజెంట్ వినోద్ అనే సినిమాను రూపొందిస్తున్న విషయం తెలిసిందే. ప్రస్తుతం ఈ సినిమా పోస్టు ప్రొడక్షన్ పనులు జరుగుతున్నాయి.