Somy Ali: సల్మాన్​ ఖాన్​పై మాజీ ప్రేయసి సంచలన వ్యాఖ్యలు.. ఒక శాడిస్ట్​ అంటూ పోస్ట్​

సల్మాన్ ఖాతాలో ఎంతోమంది

బాలీవుడ్​ కండల వీరుడు, మోస్ట్​ ఎలిజబుల్​ బ్యాచ్​లర్​గా సల్మాన్​ ఖాన్​ ఎంతోమంది హీరోయిన్స్​, మోడల్స్​తో ప్రేమయాణం జరిపాడు. వారిలో ఐశ్వర్య రాయ్​, కత్రీనా కైఫ్ వంటి స్టార్​ హీరోయిన్స్​ కూడా ఉన్నారు. అంతేకాకుండా అతని ప్రేమ జాబితాలో పాకిస్తాన్​ బ్యూటి సోమి అలీ కూడా ఉంది.

సల్మాన్​ను తిడుతూ ఇన్​స్టా పోస్ట్​

తాజాగా ఈ బ్యూటీ సల్మాన్​ ఖాన్​పై విరుచుకుపడింది. సల్మాన్​ తనతో సహా ఇతర మహిళలను కొట్టేవాడని ఘాటు వ్యాఖ్యలు చేసింది. సల్మాన్​ ఖాన్​ను తిడుతూ తన ఇన్​స్టా గ్రామ్​లో పోస్ట్​ పెట్టింది. 'మైనే ప్యార్​ కియా' సినిమా పోస్టర్​ షేర్​ చేస్తూ ఈ వ్యాఖ్యలు చేసింది సోమి అలీ.

సల్మాన్​ ఓ శాడిస్ట్​..

సల్మాన్ ఖాన్​ ఒక ఉమెన్​ బీటర్​ (మహిళలను కొట్టే వ్యక్తి) అంటూ ప్రస్తావించింది. ''సల్మాన్​ ఖాన్​ను గొప్పగా కీర్తించడం మానేయండి. అతను ఒక శాడిస్ట్​. ఎంతటి శాడిస్టో మీకు తెలియదు. అతను తరచూ అమ్మాయిలను కొడుతుంటాడు. నాతో సహా ఎంతో మంది అమ్మాయిలపై అతను చేయి చేయిచేసుకున్నాడు'' అని రాసుకొచ్చింది.

ఐశ్వర్యా రాయ్​ను కొట్టిన సల్మాన్​..

ప్రస్తుతం ఈ పోస్ట్​ నెట్టింట హల్​చల్​ చేస్తూ చర్చనీయాంశమైంది. అయితే గతంలో ఓ పార్టీలో మాజీ విశ్వసుందరి ఐశ్వర్య రాయ్​ను సల్మాన్​ ఖాన్​ కొట్టినట్లు వార్తలు వచ్చిన విషయం తెలిసిందే. కాగా పాకిస్తాన్​లో పుట్టి పెరిగిన సోమి అలీ ప్రస్తుతం అమెరికాలో స్థిరపడింది.

మైనే ప్యార్​ కియాలో చూసి..

మైనే ప్యార్​ కియా సినిమా చూసి సల్మాన్​ ఖాన్​ను ఇష్టపడిన సోమి అలీ అతని కోసం ఇండియా వచ్చింది. ముంబైలో దిగిన సోమి.. మోడల్​గా కెరీర్​లో బిజీగా ఉంది. ఏదో షూటింగ్​ సమయంలో కలిసిన సోమి, సల్మాన్ ఖాన్​ ప్రేమలో పడి పదేళ్లు డేటింగ్ చేసింది.

మానవ అక్రమ రవాణా బాధితుల్ని కాపాడుతూ..

తర్వాత తలెత్తిన మనస్పర్థల కారణంగా సల్మాన్​ ఖాన్​కు బ్రేకప్​తోపాటు సినిమాలకు గుడ్​ బై చెప్పింది. అనంతరం తిరిగి అమెరికా వెళ్లి పోయిన సోమి అలీ సింగిల్​గా ఉంటూ నో మోర్​ టియర్స్​ అనే స్వచ్ఛంద సంస్థ నడుపుతూ మానవ అక్రమ రవాణా బాధితుల్ని కాపాడుతోంది.

కత్రీనాతో టైగర్​ 3..

ఇక అప్పుడప్పుడూ సల్మాన్​ ఖాన్​ను టార్గెట్​ చేస్తూ తీవ్ర విమర్శలు గుప్పిస్తుంది. ఇంతకుముందు కూడా ఇలానే సల్మాన్​ ఖాన్​పై విరుచుకు పడుతూ తీవ్ర వ్యాఖ్యలు చేసింది. ఇక సల్మాన్​ ఖాన్​ విషయానికొస్తే, అతను ప్రస్తుతం కత్రీనా కైఫ్​తో కలిసి టైగర్​ 3 చిత్రీకరణలో పాల్గొంటున్నాడు. అలాగే చిరంజీవి గాడ్​ ఫాదర్​లో గెస్ట్​ రోల్​ చేయనున్న విషయం తెలిసిందే.