ప్రముఖ క్రికెటర్ మాయలో బాలయ్య హీరోయిన్... నిధి అగర్వాల్ తర్వాత మరో లింకు!

కేఎల్ రాహుల్‌తో డేటింగ్ అంటూ

క్రికెటర్ కేఎల్ రాహుల్‌తో డేటింగ్ చేస్తున్నారా? అంటూ అడిగిన ప్రశ్నకు సొనాల్ చౌహాన్ స్పందిస్తూ.. అలాంటిదేమీ లేదు. ఆయన మంచి క్రికెటర్. ప్రతిభావంతుడు. చాలా మంచివాడు. మా మధ్య అఫైర్ వార్తల్లో వాస్తవం లేదు. అవన్నీ మీడియా కల్పితాలే అని అన్నారు. మా మధ్య అలాంటి రిలేషన్ లేదంటూ డేటింగ్ వార్తలను ఆమె తోసిపుచ్చింది.

నిధి అగర్వాల్‌తో కూడా అఫైర్ అని

గతంలో దక్షిణాది హీరోయిన్ నిధి అగర్వాల్‌తో కేఎల్ రాహుల్ డేటింగ్ చేస్తున్నట్టు వార్తలు వచ్చాయి. అయితే వాటిలో నిజం లేదని తెలియడంతో ఆ వార్తలకు తెరపడింది. ఆ తర్వాత అలియాభట్ బెస్ట్ ఫ్రెండ్ ఆకాంక్ష రంజన్‌తో క్రికెటర్ రాహుల్‌కు లింకు పెడుతూ మరోసారి వార్తలు స్వైర విహారం చేశాయి. అయితే వాటిని ఎవరూ పెద్దగా పట్టించుకొన్న దాఖలాలు లేవు.

ప్రపంచ కప్‌పై కేఎల్ రాహుల్ దృష్టి

కాగా, ప్రస్తుతం కేఎల్ రాహుల్ ఇంగ్లాండ్‌లో జరుగుతున్న ప్రపంచ క్రికెట్ కప్ మ్యాచ్‌లతో బిజీగా ఉన్నాడు. ప్రస్తుతం పూర్తి స్థాయిలో తన కెరీర్ మీదే దృష్టిపెట్టాడు. ఆఫర్లు, డేటింగ్ వార్తలకు దూరంగా ఉంటున్నాడు. గతంలో కరణ్ జోహర్ చాట్ షోలో మహిళల మనోభావాలు దెబ్బతినే విధంగా కామెంట్లు చేసి వివాదంలో ఇరుక్కొన్న సంగతి తెలిసిందే.

ఆఫర్లు లేక సోనాల్ చౌహాన్

ఇదిలా ఉండగా, సోనాల్ చౌహన్ జన్నత్ చిత్రం తర్వాత పెద్దగా ఆఫర్లు దక్కించుకొన్నట్టు కనిపించలేదు. జన్నత్ చిత్రంలో హాట్ హాట్‌గా నటించినప్పటికీ.. బాలీవుడ్ నిర్మాతలు పెద్దగా ఆమెకు ఆఫర్లు కట్టబెట్టలేదు. అందుకు తాను ఎవరిని నిందించలేను. ఎవరిపైనా ఫిర్యాదు చేయను. మంచి అవకాశాల కోసం ఎదురుచూస్తున్నాను. నాకు నచ్చే చిత్రం కోసం ఎంతకాలమైనా వెయిట్ చేస్తాను అని సొనాల్ చౌహాన్ తెలిపారు. తెలుగులో బాలకృష్ణతో కలిసి లెజెండ్, డిక్టేటర్ చిత్రాల్లోనూ.. అలాగే పండుగ చేస్కో, సైజ్ జీరో చిత్రాల్లో కనిపించింది.