twitter
    For Quick Alerts
    ALLOW NOTIFICATIONS  
    For Daily Alerts

    తెలుగులో సోనియా అగర్వాల్‌ ఐటం సాంగ్

    By Srikanya
    |

    హైదరాబాద్ : 7/జి బృందావన కాలనీ చిత్రంతో తెలుగు ప్రేక్షకుల్ని ఆకట్టుకున్న హీరోయిన్ సోనియా అగర్వాల్‌ గుర్తుండే ఉంటుంది. ఆ తరవాత ఆమె కెరీర్‌ సజావుగా సాగలేదు. ఇప్పుడు ప్రత్యేక గీతాలవైపు దృష్టి మళ్లించింది. అంజి శ్రీను దర్శకత్వం వహిస్తున్న చిత్రం 'అమ్మానాన్న వూరెళితే'. సిద్దార్థ్‌వర్మ, విజయ్‌, మధు ప్రధాన పాత్రలు పోషించారు. జక్కల నాగేశ్వరరావు నిర్మాత. ఈ చిత్రంలో సోనియా ఓ ప్రత్యేక గీతంలో నర్తించింది. ఈ పాటతో చిత్రీకరణ పూర్తయింది. వచ్చే నెలలో పాటల్ని విడుదల చేస్తారు.

    దర్శకుడు మాట్లాడుతూ ''యువతరానికి నచ్చే కథాంశం ఇది. జీవితాన్ని ఆస్వాదించే ప్రయాణంలో యువత పెడదారి పడుతోంది. ఈ పరిస్థితుల్లో వారికి కనువిప్పు కలిగించే చిత్రం అవుతుంది''న్నారు. ప్రస్తుతం ఈ పాట చిత్రీకరణ హైదరాబాద్‌లో జరుగుతోంది.

    నిర్మాత మాట్లాడుతూ -''నేడు యువత నాశనం అవ్వడానికి ఎన్నో కారణాలున్నాయి. అవన్నీ ఒకే సినిమాలో చూపించలేం. అందుకే యువత భవిష్యత్తును నాశనం చేస్తున్న ముఖ్యమైన అంశాల నేపథ్యంలో అంజి శ్రీను ఈ చిత్రం చేస్తున్నారు. సోనియా అగర్వాల్ చేసిన '7/జి బృందావన కాలనీ'ని చూసి ఆమె అభిమాని అయ్యాను. ఈ సినిమాలో సోనియా ప్రత్యేక గీతం చేయడానికి అంగీకరించినందుకు ఆనందంగా ఉంది'' అన్నారు.

    ఈ పాట చిత్రీకరణతో సినిమా పూర్తవుతుందని, వచ్చే నెల పాటలను విడుదల చేయనున్నామని సహనిర్మాతల్లో ఒకరైన సలామ్ చెప్పారు. సిద్దార్ధ్‌వర్మ, విజయ్, మధు, తేజ, శిల్పాస్విత తదితరులు నటిస్తున్న ఈ చిత్రానికి మాటలు: కేవీ రాజు, కెమెరా: ఖాదర్, సహనిర్మాతలు: సలామ్, అశోక్. సంగీతం: మున్నాకాశీ.

    English summary
    Sonia Agarwal doing a item Song for a telugu Film titled Amma Naana Ooru Velithe. Film is directed by Anji Srinu.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X