Don't Miss!
- News ముస్లీం రిజర్వేషన్లపై మాజీ సీఎం సంచలన వ్యాఖ్యలు, మేము వస్తే ఖేల్ కథం !
- Sports IPL 2024: రుతురాజ్ గైక్వాడ్పై అంబటి రాయుడు విమర్శలు.. తప్పుబట్టిన సిక్సర్ల సిద్దు!
- Lifestyle మండిపోయే ఎండలో చల్లగా దద్దోజనాన్ని ఇలా చేసుకోండి..?
- Automobiles మరో సమస్యలో చిక్కుకున్న శిల్పా శెట్టి భర్త.. ఆ లగ్జరీ కార్లు సీజ్
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
తెలుగు మూవీ విలన్ సోనూ సూద్ కుటుంబంలో విషాదం
హైదరాబాద్: ప్రముఖ బాలీవుడ్ నటుడు, తెలుగులో అరుంధతి, దూకుడు లాంటి చిత్రాల్లో విలన్ గా నటించిన సోనూ సూద్ కుటుంబంలో విషాదం నెలకొంది. ఆయన తండ్రి శక్తి సాగర్ సూద్(77) అనారోగ్యంతో శనివారం మరణించారు. పంజాబ్ లోని మోగలోని తన నివాసంలో శక్తి సాగర్ సూద్ తుది శ్వాస విడిచారు.
శక్తి సాగర్ సూదర్ గత కొన్నేళ్లుగా శ్వాస కోశ సమస్యతో బాధ పడుతున్నారు. ఈ క్రమంలో శనివారం గుండె పోటు రావడంతో మరణించారు. కొన్ని రోజుల క్రితమే సోనూ సూద్ మూడేళ్ల చిన్నారి హార్ట్ సర్జరీ కోసం సహాయం చేసాడు. ఇంతలోనే ఆయన తండ్రి హార్ట్ ఎటాక్ తో మణించడం అభిమానులను కలిచి వేసింది.
సోనూ సూద్ తన తండ్రితో మాట్లాడుతుండా... ఉన్నట్టుండి ఆయన కూలబడిపోయారు. వెంటనే ఆయన్ను ఆసుపత్రికి తరలించారు. అయితే డాక్టర్లు ఆయన అప్పటికే మరణించినట్లు ధృవీకరించారు. ముంబైలో నివాసం ఉంటున్న సోనూ సూద్ సెలబ్రిటీ క్రికెట్ లీగ్ లో భాగంగా పంజాబ్ వెళ్లారు.
ఎనిమిదేళ్ల క్రితమే సోనూ సూద్ తన తల్లి సరోజ్ సూద్ ను కోల్పోయారు. ‘సోనూ సూద్ సన్నిహితులు మీడియాతో మాట్లాడుతూ... శక్తి సూద్ గత కొంత కాలంగా శ్వాసకోస సమస్యలతో బాధ పడుతున్నారని, అందుకే ఆయన సోనూ సూద్ తో కలిసి ముంబైకి వెళ్లడానికి ఇష్టపడలేదని తెలిపారు. పంజాబ్ లో ఉండటానికే ఆయన ఇష్టపడేవారని, తరచూ సోనూ సూద్ ఇక్కడికి వచ్చి వెళ్లేవారని తెలిపారు. సోనూ సూద్ సిస్టర్స్ మోనికా, మాల్వికాలకు వివాహం అయింది. వారిలో ఒకరు పంజాబ్ లో ఉంటుండగా, మరొకరు విదేశాల్లో ఉంటున్నారు. తన ఇద్దరు సిస్టర్స్ వచ్చిన తర్వాత మంగళవారం అంత్య క్రియలు నిర్వహించనున్నారు.