ఏ ఒక్క ప్రాణం పోవద్దు.. సోనుసూద్ మరోసారి మానవత్వం.. విదేశాల నుంచి ప్లాంట్స్ దిగుమతి!

ఆక్సిజన్ కొరత కారణంగా

ఆక్సిజన్ కొరత కారణంగా ప్రజలు ప్రాణాలు కోల్పోవద్దనే ఆలోచనతో ఫ్రాన్స్, ఇతర దేశాల నుంచి నాలుగు ఎక్సిజన్ ప్లాంట్స్ దిగుమతి చేసుకోవాలని నిర్ణయించుకొన్నారు. ఇందుకు భారత్‌లోని పలు రాష్ట్రాల్లో మౌళిక సదుపాయాలను ఏర్పాటు చేయాలని ప్రణాళికను సిద్ధం చేసుకొన్నారు.

థర్డ్ వేవ్‌లో ఎలాంటి కష్టాలు లేకుండా

కరోనావైరస్ సెకండ్ వేవ్ ఎంతటి భీకరమైన పరిస్థితులను కళ్లముందు కదలాడుతున్న సమయంలో సోనుసూద్ మరోసారి తన మానవత్వాన్ని ప్రదర్శించారు. థర్ట్ వేవ్‌లో ఎలాంటి ఇబ్బందులు కలుగకుండా ముందస్తు ప్రణాళినకు సోనుసూద్ సిద్ధం చేస్తున్నట్టు సమాచారం.

సెకండ్ వేవ్‌లో దారుణంగా

సెకండ్ వేవ్‌లో దారుణమైన పరిస్థితులు నెలకొన్న మహారాష్ట్ర, కర్ణాటక, కేరళ రాష్ట్రాల్లో ఈ ప్లాంట్ల ఏర్పాటు చేయాలని నిర్ణయం తీసుకొన్నారు. ఆ తర్వాత మిగితా రాష్ట్రాల్లో వాటిని స్థాపించేందుకు చర్యలు తీసుకొంటున్నారు. కోవిడ్ పేషంట్లకు సహాయం అందించేలా సోనుసూద్ ప్రయత్నాలు చేస్తున్నారు. అక్టోబర్ నుంచి థర్డ్ వేవ్ మొదలయ్యే అవకాశం ఉందనే హెచ్చరికల నేపథ్యంలో సోనుసూద్ తన ప్రణాళికను సిద్ధం చేసుకొంటున్నట్టు సమాచారం. మే 20వ తేదీలోపు ఈ ప్లాంట్ల నిర్మాణం జరిగేలా చర్యలు తీసుకొంటున్నారు.

Recommended Video

Sonu Sood To Import Oxygen Plant From France | ఇంకో పది రోజుల్లో వస్తుంది || Filmibeat Telugu

ఆక్సిజన్ కొరత ఉండొద్దు.. సోనుసూద్

ఆక్సిజన్ ప్లాంట్ల ఏర్పాటుపై సోనుసూద్ స్పందించారు. చాలా మంది పేషంట్లు ఆక్సిజన్ లేక సతమతమవుతున్నారు. తాను ఏర్పాటు చేసే ఆక్సిజన్ ప్లాంట్స్ వల్ల హాస్పిటల్స్‌కు సరఫరా చేయడమే కాకుండా సిలండర్లను నింపి అందించే విధంగా ప్లాన్స్ చేస్తున్నాం. కోవిడ్ పేషంట్లకు ఆక్సిజన్ అందించే విధంగా ప్రధానంగా ఏర్పాట్లు చేస్తాం అని సోనుసూద్ పేర్కొన్నారు.