మహేష్ ‘1’ : సోఫీ చౌదరి సెక్సీ ప్రదర్శన..? (ఫోటోలు)

బాలీవుడ్లో అదరగొడుతోంది

ఇటీవల విడుదలైన బాలీవుడ్ మూవీ ‘షూటౌట్ ఎట్ వాడాలా' చిత్రంలో సోఫీ చౌదరి తన సెక్సీ పెర్ఫార్మెన్స్‌తో ఆకట్టుకుంది. గతంలో ‘వేడి' అనే తమిళ సినిమాలో ఐటం సాంగులో నర్తించి తన గ్లామర్ విశ్వరూపం చూపింది. ఇప్పుడు బాలీవుడ్ మూవీ వన్స్ అపాన్ ఎ టైం ఇన్ ముంబై దొబారా అనే చిత్రంలో చేస్తోంది.

‘1' షూటింగ్ లండన్లో జరుగుతోంది

‘1'(నేనొక్కడినే) చిత్రం బెల్ ఫాస్ట్, నార్తర్న్ ఐర్లాండ్‌లలో పూర్తి చేసుకుని తాజాగా లండన్ నగరానికి షిప్టయింది. యూనిట్ సభ్యుల నుంచి అందుతున్న సమాచారం ప్రకారం జులై 20 వరకు ఇక్కడ షూటింగ్ జరుపుతారని తెలుస్తోంది.

గౌతం కృష్ణ తెరంగ్రేటం

ఈ 20 రోజుల పాటు ఇక్కడ యాక్షన్ సన్నివేశాలు, చేజింగ్ సీన్లు చిత్రీకరించనున్నారు. మహేష్ బాబు తనయుడు గౌతమ్ కృష్ణ ఈ సినిమాతో తెరంగ్రేటం చేస్తున్న సంగతి తెలిసిందే. ఈ సినిమాలో మహేష్ బాబు చిన్నప్పటి పాత్రను గౌతమ్ పోషిస్తున్నాడు. ఇటీవలే అందుకు సంబంధించిన సీన్లు చిత్రీకరించారు.

గౌతం పాత్ర ఏమిటంటే..

గౌతమ్‌ను నటింపజేసేందుకు మహేష్ ముందు ఒప్పుకోలేదని, దర్శకుడు సుకుమార్ కన్విన్స్ చేయడంతో ఒప్పుకున్నారని తెలుస్తోంది. సినిమాలో ఫ్లాష్ బ్యాక్ ఎపిసోడ్ లో గౌతమ్ పాత్ర వస్తుంది.

ఇతర వివరాలు

సాయాషి షిండే, కెల్లీ దోర్జి, విక్రం సింగ్, శ్రీనివాస రెడ్డి, నాజర్, ప్రదీప్ రావత్ ఇతర పాత్రల్లో నటిస్తున్నారు. 14 రీల్స్ ఎంటర్ టైన్ మెంట్ పతాకంలో ఆచంట రామ్, ఆచంట గోపీచంద్, అనిల్ సుంకర ఈ సినిమాను నిర్మిస్తున్నారు.