విజయవాడ నుంచి తరిమేస్తున్నారు: ఆర్జీవీ ఆవేదన, వీడియోలతో హల్‌చల్

ఎవరితో మాట్లాడకుండా ఆంక్షలు

మమ్మల్ని పోలీసులు విజయవాడ రాకుండా ఎయిర్ పోర్టులోనే నిర్భంధించారు. మేము అసలు సిటీలోకి రాకూడదు, ఎక్కడా ఎవరితో మాట్లాడటానికి వీల్లేదు, ప్రెస్‌తో కూడా మాట్లాడటానికి వీల్లేదు అంటూ ఆంక్షలు పెట్టినట్లు ఆర్జీవీ తెలిపారు.

ఇదేమైనా డిక్టేటర్ కంట్రీనా? డెమొక్రటిక్ కంట్రీనా?

ఇదేమైనా డిక్టేటర్ కంట్రీనా? డెమొక్రటిక్ కంట్రీనా?... మాకు ఇచ్చిన నోటీసులో లా అండ్ ఆర్డర్ ప్రాబ్లం వచ్చే అవకాశం ఉంది అని చెప్పారు. కానీ బలవంతంగా కార్లో నుంచి లాగేసి ఎయిర్ పోర్టుకు తీసుకొచ్చి ప్లైట్ టైమ్ అయ్యే వరకు ఎక్కడికీ వెళ్లకూడదు అని నిర్బంధించడం దారుణమన్నారు.

మమ్మల్ని ఆంధ్రపదేశ్ నుంచి తరిమేయాలని ఆదేశాలు

మమ్మల్ని ఆంధ్రపదేశ్ నుంచి తరిమేయాలని ఆదేశాలు ఇచ్చారు. మరి దీని వెనక ఎవరు ఉన్నారో అర్థం కావడం లేదు. ఇలాంటి వాటిని ఊరికే వదిలేస్తే ఈ డెమొక్రటిక్ కంట్రీ డిక్టేటర్ కంట్రీ అవుతుంది అంటూ వర్మ తన ఆగ్రహాన్ని వెలుబుచ్చారు.

మేము టెర్రరిస్టులమా? దొంగలమా?

నిర్మాత రాకేష్ రెడ్డి పోలీసుల తీరుపై ఫైర్ అయ్యారు. మేమే టెర్రరిస్టులమా? దొంగలమా? ఎందుకు మమ్మల్ని అడ్డుకుంటున్నారు. మా సినిమా కోసం ప్రెస్ మీట్ పెట్టుకోవడం నేరమా అంటూ ఫైర్ అయ్యారు. ఇందుకు సంబంధించిన వీడియోలు సోషల్ మీడియాలో వైరల్ అవుతున్నాయి.