విషాదం.. యువ నటి ఆత్మహత్య.. ఎమోషనల్​గా సూసైడ్​ నోట్​

అసలు నిజాలు..

సినీ ఇండస్ట్రీలో ఎంతోమంది సూసైడ్ చేసుకుని తనువు చాలించారు. క్రమంగా ఈ సంఖ్య పెరుగుతూనే ఉంది తప్ప తగ్గట్లేదు. టాలీవుడ్​లో ఉదయ్​ కిరణ్​ నుంచి బాలీవుడ్​ హీరో సుశాంత్​ సింగ్​ రాజ్​పుత్​ వరకు అనేక మంది నటీనటులు ఆత్మహత్య చేసుకున్నారు. వారి ఆత్మహత్యలకు అనేక కారణాలు వినిపిస్తున్న అసలు నిజాలు మాత్రం ఇంతవరకు బయటకు రాలేదు.

ఎమోషనల్​ నోట్..

అయితే తాజాగా సౌత్ కొరియాకు చెందిన నటి యో జూ యూన్ (27)​ బలవన్మరణానికి పాల్పడింది. ఆగస్టు 29న డిప్రెషన్​ కారణంగా ఆత్మహత్యకు చేసుకుంటున్నట్లు తెలిపింది. మరో దిక్క లేక చనిపోతున్నానంటూ యో జూ రాసిన ఎమోషనల్​ నోట్​ ఉద్వేగంగా ఉంది.

ముందుగా వెళ్తున్నందుకు..

ఇండస్ట్రీలో బతకడం అంత సులభం కాదని ఆమె లెటర్​లె చెప్పిన మాటలు ప్రస్తుతం చర్చనీయాంశమయ్యాయి. ''మీ అందరికంటే ముందుగా నేను వెళ్లిపోతున్నందుకు నన్ను క్షమించండి. ముఖ్యంగా అమ్మ, నాన్న, నానమ్మ, అన్నయ్యకు నా సారీ. జీవించాలని లేదంటూ నా మనసు ఎప్పుడూ ఆవేదన చెందింది. అందుకే ఈ నిర్ణయం తీసుకున్నా.

వెలితిగా ఉంటుందని తెలుసు..

ఇప్పుడు నేను ఎంతో ప్రశాంతగా ఉన్నా. ఎందుకంటే నేను ఎప్పటినుంచే అనుకుంటుంది ఇదే కదా. నేను లేని మీ లైఫ్​ వెలితిగా ఉంటుందని తెలుసు. అయినా ధైర్యంగా జీవించేందుకు ట్రై చేయండి. నేను మిమ్మల్ని పైనుంచి చూస్తూనే ఉంటాను. దయచేసి నాకోసం ఏడవకండి.

ఎవరినీ నిందించకండి..

ఇప్పటివరకు అర్హతకు మించి ఆనందకర జీవితాన్ని గడిపాను. అందుకే నా ఈ జీవితం చాలు అని అనిపించింది. కాబట్టి నా విషయంలో ఎవరిని నిందించకండి. మీరు సంతోషంగా ఉండండి. నేను చనిపోలేదు. మీతోనే ఉన్నాను'' అని రాసుకొచ్చింది యో జూ యూన్​. అలాగే ''నాకు నటించాలనే కోరిక ఎంతో బలంగా ఉండేది. ఒకవేళ అది నాలో ఒక పార్ట్​ అనుకుంటా. కానీ ఆ లైఫ్​ అంత సులభం కాదు. నాకు ఇంకేమీ చేయాలని లేదు. అదే నాకు నిరాశ. మనకు నచ్చింది చేయాలనుకోవడం వరమే కానీ, అది మాత్రమే చేయాలనుకోవడం శాపం'' అని యో జా యూన్​ తెలిపింది.