Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
SP Balasubrahmanyam పరిస్థితి విషమం.. వెంటిలేటర్పై చికిత్స
ప్రముఖ గాయకుడు ఎస్పీ బాలసుబ్రమణ్యం ఆరోగ్య పరిస్థితి విషమించింది. కొద్ది రోజుల క్రితం కరోనావైరస్ పాజిటివ్ అని తేలడంతో ఆయన చెన్నైలోని ఎంజీఎం హెల్త్ కేర్ ఫర్ సింప్టమ్ ఆఫ్ కోవిడ్ హస్పిటల్లో చేరారు. ఆగస్టు 5వ తేదీ నుంచి ఆయన చికిత్స పొందుతున్నారు. తాజాగా ఆయన ఆరోగ్యం విషమించిందనే విషయంతో అభిమానులు, సినీ ప్రముఖులు ఆందోళనకు గురవుతున్నారు. ఆయన ఆరోగ్యం గురించి హాస్పిటల్ వర్గాలు విడుదల చేసిన బులెటిన్లో ఏమున్నదంటే...
Recommended Video
హాస్పిటల్ వర్గాల సమాచారం ప్రకారం..
చెన్నైలోని హెల్త్ కేర్ ఫర్ సింప్టమ్ ఆఫ్ కోవిడ్ హస్పిటల్ రిలీజ్ చేసిన ప్రకారం.. ఎస్పీ బాలసుబ్రమణ్యం ఆగస్టు 5వ తేదీన కోవిడ్ 19 పాజిటివ్తో హాస్పిటల్లో చేరారు. అప్పటి నుంచి ఆయనకు చికిత్స అందిస్తున్నాం. రెండు రోజులుగా చికిత్స సరిగానే స్పందించారు. ఆయనకు సడెన్గా శ్వాస సంబంధింత సమస్యలు తలెత్తడంతో ఆరోగ్యం క్షీణించింది అని వైద్యులు వెల్లడించారు.
గురువారం రాత్రి నుంచి పరిస్థితి విషమం
ఆగస్టు 13 తేది (గురువారం) అర్ధరాత్రి నుంచి ఎస్పీ బాలసుబ్రమణ్యం ఆరోగ్య పరిస్థితి విషమంగా మారింది. హస్పిటల్ మెడికల్ టీమ్ నిపుణుల బృందం సలహా, సూచనల మేరకు ఆయనను ఇంటెన్సివ్ కేర్ యూనిట్కు తరలించాం. వెంటిలేటర్పై ఉంచి చికిత్స అందిస్తున్నాం అని తెలిపారు.
ఐసీయూలో నిరంతర పర్యవేక్షణ
అయితే ఎస్పీ బాలసుబ్రమణ్యం ఆరోగ్య పరిస్థితి విషమంగానే ఉంది. ఐసీయూలో హేమోడైనమిక్ అండ్ క్లినికల్ పారామీటర్స్ బృందం నిరంతరం ఆయన ఆరోగ్య పరిస్థితిని పర్యవేక్షిస్తున్నారు. ఎప్పటికప్పుడు తగిన జాగ్రత్తలు తీసుకొంటూ ఆయన ఆరోగ్యాన్ని మెరుగుపరిచే చర్యలు చేపట్టారు అని విడుదల చేసిన తాజా బులెటిన్లో హాస్పిటల్ వర్గాలు పేర్కొన్నారు.
పలు భాషల్లో వేలాది పాటలు
ఎస్పీ బాలసుబ్రమణ్యం 1966లో శ్రీ శ్రీ మర్యాద రామన్న చిత్రం ద్వారా గాయకుడిగా పరిచయం అయ్యారు. అప్పటి నుంచి ఇప్పటి వరకు దాదాపు 5 దశాబ్దాలపాటు పలు భాషల్లో వేలాది పాటలు పాడారు. తెలుగు బుల్లితెరపై పలు సంగీత నేపథ్యం ఉన్న షోలకు ఆయన హోస్ట్గా కూడా వ్యవహరిస్తున్నారు. ఇలాంటి గొప్ప గాయకుడు త్వరగా కోలుకోవాలని ఆయన అభిమానులు ప్రార్థిస్తున్నారు.