Don't Miss!
- News ఈ ఒక్కటి ఇంట్లో ఉంటే డబ్బు ఆటోమేటిక్ గా వస్తుంది
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
బాలుతో ఇళయరాజా ఢీ.. వివాదం వెనుక అసలు కారణం ఇదే!
సంగీత సామ్రాజ్యంలో రారాజులైన ఇళయరాజా, ఎస్పీ బాలసుబ్రమణ్యం మధ్య వివాదం మీడియాలో చర్చనీయాంశమైంది.
సంగీత సామ్రాజ్యంలో రారాజులైన ఇళయరాజా, ఎస్పీ బాలసుబ్రమణ్యం మధ్య వివాదం మీడియాలో చర్చనీయాంశమైంది. ఇద్దరూ దిగ్జజాలు కావడంతో సినీ ప్రముఖులు తటస్తంగా ఉంటూ జాగ్రత్త వహిస్తున్నారు. ఈ వివాదంలో బాలుతే తప్పని కొందరు పైకి చెప్పకపోయినా లోలోనా అనుకొంటున్నారు. బాలు వ్యవహరశైలి కారణంగానే ఇళయరాజా అలా ప్రవర్తించాల్సి వచ్చిందని లయరాజుపై సానుభూతిని వ్యక్తం చేస్తున్నారు.
వివాదానికి కారణం సంగీత కచేరి రేటు
ఇంతకీ బాలు, ఇళయరాజా మధ్య వివాదానికి సంగీత కచేరికి ఎస్పీబీ చెప్పిన రేటు అట. గతేడాది అమెరికాలో ఇళయరాజా అమెరికాలో భారీగా కచేరిలు ప్లాన్ చేశాడు. ఆ క్రమంలో ఆర్గనైజర్లు బాలును సంప్రదించారు. బాలు చెప్పిన రేటుతో నిర్వాహకులకు దిమ్మతిరిగిందట. ఆ మొత్తం ఇళయరాజా జోరు కొనసాగుతున్నప్పుడు తీసుకొన్న మొత్తానికి ఎక్కువేనట. దాంతో రేటుపై బేరసారాలాడటం ఇష్టం లేక కొత్త గాయకులతో ఇళయరాజా పనికానిచ్చారట.
బాలు డిమాండ్ చేసిన రేటు
ప్రస్తుతం ఈటీవీ షోలతో బిజీగా మారిన నేపథ్యంలో తన కుమారుడు చరణ్తో విదేశాల్లో ఎస్పీబీ50 పేరుతో కచేరీకి ప్లాన్ చేశాడట. ఈ విషయం ఇళయరాజా చెవిన పడటం, గతేడాది బాలు డిమాండ్ చేసిన రేటు గుర్తుకు రావడంతో తన పాటలను పాడటానికి వీలు లేదని లీగల్ నోటీసులు పంపించాడు. దీంతో ఇళయరాజా, బాలు మధ్య వివాదానికి కారణమైంది.
కొత్తగా లేవనెత్తలేదు.
ఇళయరాజా ఈ రాయల్టీ అంశాన్ని కొత్తగా లేవనెత్తలేదు. పైగా ఇంత మొత్తంలో రాయల్టీ చెల్లించాలని ఆయన డిమాండ్ చేయడం లేదు. ఎంత ఇస్తే అంత తీసుకోవడానికి ఇళయరాజా సుముఖంగా ఉన్నాడు అని చెన్నైకి చెందిన మ్యూజిక్ డైరెక్టర్ చెప్పుకొచ్చారు.
కాపీరైట్ చట్టంలో
మ్యూజిక్ డైరెక్టర్, లిరిక్ రైటర్, నిర్మాత, గాయకుల్లో గీత రచయిత, సంగీత దర్శకుడికి ఎక్కువ మొత్తం చెల్లించాలనే నిబంధన కాపీరైట్ చట్టంలో ఉన్నట్టు సమాచారం. దానిని ఆధారంగా చేసుకొనే బాల సుబ్రమణ్యంకు ఇళయరాజా నోటీసులు పంపినట్టు సమాచారం.
సెన్సేషనలైజ్ చేయవద్దు
ఈ వివాదం మీడియాలో నలుగుతున్న నేపథ్యంలో ఎస్పీ బాలు స్పందించారు. ఈ విషయంపై నేరుగా నాతో మాట్లాడితే ఇంతవరకు రాకపోయేది. ఆయన లీగల్ నోటీసులు పంపించారు కాబట్టి ఇళయరాజాకు లీగల్ గానే సమాధానం చెప్తాను. అప్పటివరకు స్నేహితులకు, సంగీత ప్రియులకు, ముఖ్యంగా మీడియా పర్సన్ ఈ వివాదాన్ని సెన్సేషనలైజ్ చేయవద్దు. మా ఇద్దరి మధ్య ఈ ఘటన చోటుచేసుకోవడం దురదృష్టకరం అని బాలు రిక్వెస్ట్ చేశారు.