పెట్టె తెరిచారు: సావిత్రి జయంతి స్పెషల్ ‘మహానటి’ సర్‌ప్రైజ్ ఇదే

ఆ సర్‌‌ప్రైజ్ ఇదే

సావిత్రి జయంతి సందర్భంగా సర్‌ప్రైజ్ అనగానే ఏం విడుదల చేయబోతున్నారో అని అభిమానులంతా ఆసక్తి గా ఎదురు చూశారు. ఈ వీడియోలో ‘మహానటి' టైటిల్ లోగోతో పాటు సినిమా విడుదల తేదీని ప్రకటించారు. మార్చి 29, 2018న సినిమా విడుదల కాబోతోంది.

డిఫరెంటుగా ఉంది

‘మాయాబజార్' సినిమాలో వాడిని ప్రియదర్శిని అనే పేటికను ఉపయోగించి.... బ్యాగ్రౌండ్లో సావిత్రి నటించిన వివిధ సినిమాల్లోని డైలాగులు ప్లే చేస్తూ వీడియో చివరి వరకు ఉత్కంఠ రేపుతూ అద్భుతమైన బ్యాగ్రౌండ్ స్కోర్‌తో ఈ వీడియో చాలా డిఫరెంటుగా రూపొందించారు.

ముఖ్యపాత్రల్లో

ఈ చిత్రంలో సావిత్రిగా కీర్తి సురేశ్ ప్రధానమైన పాత్రను పోషిస్తుండగా జమున పాత్రను సమంత చేస్తోంది. సావిత్రి భర్త జెమినీ గణేశన్ పాత్రలో దుల్కర్ సల్మాన్ కనిపించనుండగా, ఎస్వీఆర్ పాత్రను మోహన్ బాబు పోషిస్తున్నారు. ప్రకాష్ రాజ్, విజయ్ దేవరకొండ, క్రిష్ లాంటి వారు కూడా చిన్న చిన్న పాత్రలు చేస్తున్నారు.

అంచనాలు భారీగా

సావిత్రి తెలుగు, తమిళ భాషల్లో అనేక చిత్రాల్లో నటించింది. అందుకే ఈచిత్రాన్ని కూడా ఏక కాలంలో రెండు భాషల్లో చిత్రీకరిస్తున్నారు. మార్చి 29,2018న సినిమా విడుదల ప్లాన్ చేశారు. ఈ లోగా ఫస్ట్ లుక్, టీజర్, ట్రైలర్ లాంటివి ఒక్కొక్కటిగా విడుదల చేస్తూ సినిమాపై ఎక్స్‌పెక్టేషన్స్ పెంచేలా ప్లాన్ చేస్తున్నారు.