భయ పెట్టడం మాకూ తెలుసు... (‘స్పైడర్’ టీజర్ అదుర్స్)

స్టైలిష్ అవతార్

మహేష్ బాబు ఈ మూవీలో గత చిత్రాలకంటే స్టైలిష్ గా కనిపించబోతున్నారు. దర్శకుడు మురుగదాస్ తనదైన మేకింగ్ స్టైల్‌తో ఈ చిత్రాన్ని సరికొత్తగా తెరకెక్కించారు.

విలన్ పాత్రలో ఎస్‌జె సూర్య

ఈ చిత్రంలో విలన్ పాత్రలో ఎస్.జె సూర్య నటిస్తున్నారు. ఇప్పటి వరకు దర్శకుడిగా, మామూలు నటుడిగా అందరికీ సుపరిచితమైన ఎస్.జె. సూర్య.... ఈ చిత్రంలో భయంకరమైన విలన్ గా కనిపించబోతున్నారు.

రొమాన్స్

ఈ చిత్రంలో మహేష్ బాబు సరసన రకుల్ ప్రీత్ సింగ్ నటిస్తోంది. ఇద్దరి మధ్య జరిగే రొమాన్స్ ప్రేక్షకులను మరింత ఎంటర్టెన్ చేయనుంది. ఈ చిత్రంలో రకుల్ జర్నలిస్టు పాత్రలో నటిస్తోంది.

సెప్టెంబర్ 27న రిలీజ్

ఈ సందర్భంగా నిర్మాత ఎన్‌.వి.ప్రసాద్‌ మాట్లాడుతూ - ''ఇటీవల విడుదల చేసిన ఈ చిత్రం టీజర్‌కి రికార్డు స్థాయిలో రెస్పాన్స్‌ వచ్చింది. ఆగస్ట్‌ 9 మా హీరో మహేష్‌ పుట్టినరోజు సందర్భంగా మరో టీజర్ విడుదల చేశాం. ఒక్క పాట మినహా షూటింగ్‌ పూర్తయింది. ఈ ఒక్క పాట చిత్రీకరణ ఆగస్ట్‌ 23 వరకు జరుగుతుంది. దీంతో టోటల్‌గా షూటింగ్‌ పార్ట్‌ పూర్తవుతుంది. ఆల్‌రెడీ డబ్బింగ్‌, రీకార్డింగ్‌ జరుగుతోంది. అన్ని కార్యక్రమాలు పూర్తి చేసి దసరా కానుకగా సెప్టెంబర్‌ 27న తెలుగు, తమిళ భాషల్లో ప్రపంచ వ్యాప్తంగా 'స్పైడర్‌' చిత్రాన్ని విడుదల చేస్తున్నాం'' అన్నారు.

స్పైడర్

ఈ చిత్రానికి సంగీతం: హేరిస్‌ జయరాజ్‌, సినిమాటోగ్రఫీ: సంతోష్‌ శివన్‌ ఎఎస్‌సి.ఐఎస్‌సి, ఎడిటింగ్‌: శ్రీకర్‌ప్రసాద్‌, ప్రొడక్షన్‌ డిజైనర్‌: రూపిన్‌ సుచక్‌, ఫైట్స్‌: పీటర్‌ హెయిన్‌, సమర్పణ: ఠాగూర్‌ మధు, నిర్మాత: ఎన్‌.వి.ప్రసాద్‌, కథ, స్క్రీన్‌ప్లే, దర్శకత్వం: ఎ.ఆర్‌.మురుగదాస్‌.