మళ్లీ వార్తల్లోకి సింగర్​ శ్రావణ భార్గవి.. చాలా రోజుల తర్వాత అలా

అగ్ర హీరోల సినిమాల్లో..

అనంతరం పవన్​ కల్యాణ్​ తీన్​మార్ చిత్రంలోని అలే బలే​, బార్బీ బొమ్మకి, మహేశ్​ బాబు ఖలేజా మూవీలోని భూం శకనక, అల్లు అర్జున్​ బద్రీనాథ్​లోని అంబదరి పాటలు పాడి గుర్తింపు తెచ్చుకుంది. కందిరీగ, దమ్ము, లైఫ్ ఈజ్​ బ్యూటిఫుల్, రెబెల్, కెమెరా మ్యాన్​ గంగంతో రాంబాబు, దేనికైనా రెడీ, కృష్ణం వందే జగద్గురుం, రాజన్న, సోలో వంటి తదితర చిత్రాలలో సాంగ్స్​ పాడి ఆకట్టుకుంది.

హీరోయిన్స్​కు డబ్బింగ్​..

దివంగత మ్యూజిక్​ డైరెక్టర్​ చక్రి, మణిశర్మ, ఎమ్​ఎమ్​ కీరవాణి, ఎస్ తమన్, దేవి శ్రీ ప్రసాద్, మిక్కీ జె మేయర్ వంటి తదితర ప్రముఖ సంగీత దర్శకులతో కలిసి పనిచేసింది. స్టార్​ హీరోలతోపాటు యువ కథానాయకుల సినిమాలకు పాటలు పాడిన శ్రావణ భార్గవి గబ్బర్​ సింగ్, ఈగ, రామయ్యా వస్తావయ్యా, లవ్​ ఫెయిల్యూర్​ వంటి చిత్రాల్లో హీరోయిన్స్​కు గాత్రం (డబ్బింగ్​) అందించింది.

2018లో చివరిగా..

అయితే శ్రావణ భార్గవి తాజాగా మరోసారి తన గాత్రంతో సినీ ప్రేక్షకులను, అభిమానులను అలరించేందుకు సిద్ధమైంది. శ్రావణ భార్గవి చివరిసారిగా యంగ్​ హీరో నితిన్, రాశీ ఖన్నా నటించిన శ్రీనివాస కల్యాణం సినిమాలో పాట పాడింది. ఆ సినిమా 2018లో విడుదలైంది. అంటే సుమారు నాలుగేళ్ల తర్వాత మళ్లీ తన వాయిస్​తో మ్యాజిక్​ చేయనుంది శ్రావణ భార్గవి.

లైగర్​ సినిమాతో..

టాలీవుడ్​ డ్యాషింగ్​ డైరెక్టర్​ పూరి జగన్నాథ్ దర్శకత్వంలో రౌడీ స్టార్​ విజయ్​ దేవరకొండ నటించిన చిత్రం లైగర్. ఈ సినిమా ప్రపంచవ్యాప్తంగా ఆగస్టు 25న ప్రేక్షకుల ముందుకు రానుంది. ఈ చిత్రంలోని పాటలకు విశేష స్పందన వచ్చింది. అందులోనూ మోస్ట్​ రొమాంటిక్​ సాంగ్​ ఆఫ్​ ది ఇయర్​గా వచ్చిన ఆఫత్​ పాట అమితంగా ఆకట్టుకుంది. ఈ సాంగ్​ తెలుగు వెర్షన్​ను బ్యూటిఫుల్​ సింగర్​ శ్రావణ భార్గవి ఆలపించింది. సో ఫైనల్​గా నాలుగేళ్ల తర్వాత మళ్లీ తన వాయిస్​ వినిపించనున్న శ్రావణ భార్గవి ఏ మేరకు ఆకట్టుకుంటుందో చూడాలి.