Don't Miss!
- Travel ఐఆర్సీటీసీ VIZAG - ARAKU HOLIDAY PACKAGE మార్చి 22 నుంచే..
- News వైసీపీకి షాక్.. పార్టీకు గుడ్ బై చెప్పిన మరో ఎమ్మెల్యే
- Automobiles వయసు కేవలం నెంబర్ మాత్రమే!.. ఎందుకో వీడియో చూస్తే తెలుస్తుంది
- Technology 8GB ర్యామ్, ట్రిపుల్ కెమెరా, 6.67 అంగుళాల డిస్ప్లేతో Realme స్మార్ట్ఫోన్ విడుదల..తొలిసారిగా ఈ ఫీచర్లతో!
- Sports రోహిత్ స్టార్ట్ చేశాడు.. ‘RIP హార్దిక్’ అంటూ పోస్ట్లు Video
- Finance Gold Loan: గోల్డ్లోన్స్ తీసుకున్నోళ్లకి హెచ్చరిక..! ఇవి తప్పక తెలుసుకోండి..
- Lifestyle సంపూర్ణ సూర్యగ్రహణం 2024: అమెరికాలోని వందలాది పాఠశాలలకు సెలవు, ఎందుకో తెలుసా?ఆరోజు ఏం జరుగుతుందో తెలుసా
ఆ ఇద్దరు రచయితలపైనే యుద్దమా? "నీదీ నాదీ ఒకే కథ" పోస్టర్ వివాదం కానుందా??
Recommended Video
శ్రీవిష్ణు, సత్నా టిటుస్ ప్రధాన పాత్రధారులుగా వేణు ఉడుగులను దర్శకుడిగా పరిచయం చేస్తూ అరాన్ మీడియా వర్క్స్ పతాకంపై కృష్ణవిజయ్, ప్రశాంతి లు నిర్మిస్తున్న చిత్రం నీదీ నాదీ ఒకేకథ. ఈ సినిమాకి కథ కూడా దర్శకుడు వేణూ అందించినదే, అయితే ఈరోజు ఈ సినిమా మోషన్ పోస్టర్ విడుదలవ్వగా ఈ క్రేజీ కాంబినేషన్ పై సోషల్ మీడియా లో నీదీనాదీ ఒకే కథ, NNk అంటూ హ్యాష్ టాగ్తో పోస్ట్లు కనిపించటం గమనార్హం.
నీది నాదీ ఒకే కథ
నిజానికి ఈ సినిమా కొంతకాలంగా వార్తల్లో ఉంటూ వస్తోంది నిర్మాతకు బడ్జెట్ భారం అన్నది లేకుండా, కేవలం కథ, కథనంతో పాటు ఓ కొత్త టెక్నాలజీతో ప్రస్తుత సమాజ రీతులకు అద్దం పడుతూ రూపుదిద్దుకున్న సినిమా అన్న టాక్ ఈ నీది నాదీ ఒకే కథకి కొంత హైప్ తెచ్చింది.
టాలీవుడ్లో తొలి ప్రయత్నం
వాస్తవానికి డెన్మార్క్లో రూపుదిద్దుకున్న డాగ్మీ 95 మెథడాలజీని ఇక్కడి వాతావరణానికి అనుగుణంగా కొద్ది పాటి మార్పులు చేసి , అక్కడి మేనిఫెస్టోలో ఉన్న పది సూత్రాలలో ఏడింటిని మాత్రమే అనువర్తింపజేసి, రూపొందించిన రెండో భారతీయ సినిమా ఇది. ఇక టాలీవుడ్కు మాత్రం పూర్తిగా ఇది తొలి ప్రయత్నం.
పర్సనాలిటీ డెవలప్మెంట్
ఈ సంగతులు పక్కన పెడితే తానేం చెప్పాలనుకుంటున్నాడో ఈ మోషన్ పోస్టర్లోనే స్పష్టం చేయాలనుకుంటున్నట్టున్నాడు దర్శకుడు. ప్రస్తుత విధ్యా విధానం మీదా, పర్సనాలిటీ డెవలప్మెంట్ అన్న కాన్సెప్ట్ ఒక వ్యర్థ ప్రయత్నం అని చెప్పాలన్నదే ఒక ఉద్దెశ్యమేమో అనిపించేలా ఉంది.
తగలబడుతున్న పుస్తకాలు
హీరో శ్రీవిష్ణు ఒక చోట గాయాలతో, పూర్తి డిప్రెసివ్ లుక్లో కనిపిస్తూనే మొహంలో ఒక అసహనం కనిపిస్తూ, సిగరెట్తో యాంగ్రీ అట్టిట్యూడ్ తో కనిపిస్తున్నాడు. అయితే ఇప్పుడు జరుగుతున్న చర్చ మాత్రం ఆ పోస్టర్లో తగలబడుతున్నట్టు కనిపిస్తున్న పుస్తకాలమీదే.
యండమూరి వీరేంద్రనాథ్
వ్యక్తిత్వ వికాసం పై వచ్చిన యండమూరి వీరేంద్రనాథ్, బీవీ పట్టాభీ రామ్లు రాసిన పుస్తకాల టైటిల్స్ కి దగ్గరగా ఉండటం, అవీ ఏవో అనామక పుస్తకాలు కాదు.. ఆయా రచయితలు రాసిన బెస్ట్ సెల్లర్స్ కావటం గమనార్హం... మొత్తానికి సినిమా లో తాను చెప్పదల్చుకున్న అంశానికీ ఈ ఇద్దరు రచయితలకీ సంబంధం ఏమిటన్నది ఇప్పుడు హాట్ టాపిక్ అయికూచుంది...
సమాధానాలు సినిమాలోనే?
ఇప్పటికే ఈ విషయం మీద సోషల్ మీడియాలో చిన్న సైజు చర్చమొదలయ్యింది. మరి వీటన్నిటికీ సమాధానాలు దర్శకుడు వేణూ ఊడుగుల సినిమాలోనే ఇస్తాడా లేక తానే స్వయంగా చెబుతాడా అన్నది చూడాలి..???