అప్పుడు నన్ను నీచంగా... ఇప్పుడేమో ఇలా : పెద్ద హీరోయిన్ల తీరుపై శ్రీరెడ్డి

ఏదో ఒక రోజు ఇలా జరుగుతుందని తెలుసు

#మీటూ ఉద్యమంలో పాల్గొంటున్న మహిళలందరికీ ధన్యవాదాలు. వారి ధైర్యాన్ని ప్రతి ఒక్కరూ మెచ్చుకోవాలి. ఏదో ఒకరోజు వేధింపులకు గురైన మీరంతా ముందుకు వస్తారని తెలుసు. ఈ విషయం నేను ఎప్పుడో అంచనా వేశాను అని శ్రీరెడ్డి తెలిపారు.

నేను మొదలు పెట్టినపుడు నీచంగా చూశారు

నేను #మీటూ ఉద్యమం మొదలు పెట్టినపుడు ఈ సమాజం, ఫ్యామిలీ, నా కోలీగ్స్ ఇలా ప్రతి ఒక్కరూ నన్ను చాలా నీచంగా చూశారు. ఆ సమయంలో నాకు ఎవరూ మద్దతు ఇవ్వడానికి ముందుకు రాలేదని శ్రీరెడ్డి అన్నారు.

తెలుగు మీడియా కూడా దూరం

చివరకు తెలుగు మీడియా కూడా నన్ను దూరం పెట్టింది. కానీ ఇపుడు #మీటూ ఉద్యమం మహిళా ప్రపంచంలో ఒక విప్లవంగా మారింది. నేను మొదలు పెట్టినపుడే మద్దతు లభించి ఉంటే పరిస్థితి మరోలా ఉండేదని శ్రీరెడ్డి తెలిపారు.

పెద్ద హీరోయిన్లు అప్పుడలా, ఇప్పుడిలా

నేను #మీటూ ఉద్యమం మొదలు పెట్టినపుడు సౌత్ సినీ ఇండస్ట్రీ నుండి ఏ ఒక్క పెద్ద హీరోయిన్ కూడా మద్దతుగా ముందుకు రాలేదు. ఇపుడు బాలీవుడ్లో #మీటూ ఉద్యమం మొదలవ్వగానే సపోర్ట్ చేయడం మొదలు పెట్టారు. ఏది ఏమైనా ఇదంతా కూడా ఒక మంచి పరిణామం అన శ్రీరెడ్డి అన్నారు.