నువ్వెలాంటి దానివో నాకు ఈరోజు తెలిసింది.. స్టార్ హీరోయిన్‌పై మండిపడ్డ శ్రీరెడ్డి!

చాలా సార్లు చెప్పా

శ్రీరెడ్డి తన పేస్ బుక్ పేజీలో.. చాలా సార్లు చెప్పా. నేను ఆదర్శంగా భావించే నటీమణుల్లో కంగనా రనౌత్ ఒకరు. కంగనా రనౌత్ కూడా అనేక వివాదాలు. ఇబ్బందులని అధికమించి చిత్ర పరిశ్రమలో స్టార్ హీరోయిన్ గా ఎదిగిన సంగతి తెలిసిందే. కానీ ఈ రోజు తాను కంగనా రనౌత్ గురించి కొన్ని నిజాలు తెలుసుకున్నానని శ్రీరెడ్డి కామెంట్ చేసింది.

ఆ పాత్రకు నీవు అన్‌ఫిట్

కంగనా రనౌత్ చాలా చెడు ప్రవర్తన కలిగిన నటి. నువ్వు మేడం జయలలిత పాత్రలో నటించేందుకు అర్హురాలివి కాదు. ప్రముఖ తమిళ దర్శకుడు ఏఎల్ విజయ్ జయలలిత బయోపిక్ చిత్రాన్ని తెరకెక్కించబోతున్న సంగతి తెలిసిందే. ఈ చిత్రంలో జయలలిత పాత్ర కోసం కంగనారనౌత్ ని ఎంపిక చేసుకున్నారు. కంగనా కూడా ఈ విషయాన్ని అధికారికంగా ప్రకటించింది. కానీ కంగనా రనౌత్ జయపాత్రలో నటించకూడదని శ్రీరెడ్డి అంటోంది.

సౌత్ ఇండస్ట్రీ గురించి

కంగనా రనౌత్ దక్షణాది చిత్ర పరిశ్రమ గురించి చాలా చెడుగా మాట్లాడడం విన్నా. ముందు ఆ చెత్త వాగుడు ఆపు. తెలుగు, తమిళ, మలయాళీ ప్రజలు ఇక్కడి చిత్రాలనే ఆదరిస్తారు. ఇందులో నీకేంటి సమస్య. నీ మణికర్ణిక చిత్రాన్ని తెరకెక్కించిన దర్శకుడు క్రిష్ కూడా తెలుగువాడే. ఆ విషయాన్ని గుర్తుంచుకో.. మాటలు జాగ్రత్తగా రానీ అంటూ శ్రీరెడ్డి కంగనా రనౌత్ పై విరుచుకుపడింది.

కంగనా వ్యాఖ్యలు

జయలలిత బయోపిక్ గురించి కంగనా రనౌత్ మాట్లాడుతూ.. దక్షణాది చిత్రాల్లో నటించడానికి నేను ఎప్పుడూ సిద్దమే. తమిళనాడు, ఆంధ్రప్రదేశ్ లాంటి రాష్ట్రాల్లో నేను ఓ విషయాన్ని గమనించా. ఇక్కడి ప్రజలు కేవలం లోకల్ చిత్రాలని మాత్రమే ఎంకరేజ్ చేస్తారు. కాబట్టి వాళ్ళు దేశంలోని మిగిలిన భాగంతో అంతగా కనెక్ట్ అయి ఉండరని కంగనా వ్యాఖ్యానించింది. ఈ వ్యాఖ్యలని శ్రీరెడ్డి తప్పుబట్టింది.