‘వందేళ్ల చరిత్రలో శ్రీరెడ్డి బ్లాక్ బస్టర్ విక్టరీ, అపుడు ఝాన్సీ లక్ష్మిభాయి... ఇపుడు శ్రీరెడ్డి’

శ్రీరెడ్డికి సెల్యూట్

గత వందేళ్లుగా ఇండస్ట్రీలో క్యాస్టింగ్ కౌచ్ ఉంది. అయితే ఇన్నేళ్ల కాలంలో ఎవరూ వ్యక్తిగతంగా దీనిపై పోరాడలేదు. కాస్టింగ్ కౌచ్‌ దుర్మార్గాలపై ఎవరూ చేయని పోరాటం శ్రీరెడ్డి చేస్తోంది, ఆమె చేస్తున్న పోరాటానికి సెల్యూట్ చేయకుండా ఉండలేక పోతున్నాను అని రామ్ గోపాల్ వర్మ ట్వీట్ చేశారు.

శ్రీరెడ్డి తల్లి గర్వపడాలి

శ్రీరెడ్డి బట్టలు విప్పి అర్ధనగ్నంగా నిరసన తెలిపే విధానం తప్పే అని అభిప్రాయపడుతున్న వారు.... ఓ విషయాన్ని గుర్తించాలి. ఆమె ఇలా చేయడం వల్లనే జాతీయ, అంతర్జాతీయ స్థాయిలో అందరూ మేల్కొన్నారు అనేది ఎవరూ కాదనలేని విషయం. తన కూతురు సాధించిన విజయానికి శ్రీరెడ్డి తల్లి గర్వపడాలి అని వర్మ అన్నారు.

జాతీయ మానవ హక్కుల సంఘం కూడా

శ్రీరెడ్డి చేసిన నిరసన జాతీయ మానవ హక్కుల సంఘం కూడా కాస్టింగ్ కౌచ్ అంశంపై కదిలేలా చేసింది. తన పోరాటంతో శ్రీరెడ్డి సాధించి గొప్పవిజయం ఇది. అమేజింగ్ అచీవ్మెంట్ అంటూ రామ్ గోపాల్ వర్మ పొగడ్తలు గుప్పించారు.

ఝాన్సీ లక్ష్మి భాయితో పోల్చిన వర్మ

శ్రీరెడ్డి సాధించిన విజయాన్ని చరిత్రతో పోల్చినపుడు...అప్పట్లో ఝాన్సీ లక్ష్మి భాయి తన రాజ్యం కోసం కత్తితో పోరాటం చేసింది. ఇపుడు ఈ శ్రీ లక్ష్మి భాయి తన దేహాన్ని ఆయుధంగా ఉపయోగించి ఇండస్ట్రీలోని చెడుపై పోరాటం చేసింది అని వర్మ అన్నారు.

బ్లాక్ బస్టర్ విక్టరీ

శ్రీరెడ్డి సాధించిన విజయం తర్వాత ఆమెపై గౌరవం మరింత పెరిగిందని, ఇలాంటి సంచలన నిర్ణయాలు తీసుకున్న నీకు సెల్యూట్ చేయకుండా ఉండలేక పోతున్నాను. నువ్వు సాధించిన విజయం మామూలు విజయం కాదు, బ్లాక్ బస్టర్ విజయం.... అని వర్మ అన్నారు.