Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
Sridevi 3rd death anniversary.. దివికేగిన అతిలోక సుందరి.. ఇంకా వీడని విషాదం!
భారతీయ సినీ పరిశ్రమ వెండితెరపై అతిలోక సుందరిలా విరాజిల్లిన అందాల తార శ్రీదేవి ఇక లేరన్న వార్త మూడేళ్ల క్రితం సినీ ప్రపంచాన్ని గుండె పగిలేలా చేసింది. ఆమె ఆకాల మరణంతో యావత్తు సినీ పరిశ్రమ, ప్రేక్షకులు విషాదంలో మునిగిపోయారు. శ్రీదేవి ఈ లోకాన్ని వీడి మూడేళ్లు అయిందంటే నమ్మలేకపోతున్నారు. శ్రీదేవి 3వ వర్ధంతి సందర్బంగా మరోసారి వెండితెర దేవతను స్మరించుకొంటూ..
ఐదు దశాబ్దాల కెరీర్లో
దేశ సినీ చరిత్రలో సుమారు ఐదు దశాబద్దాల శ్రీదేవి ప్రస్థానం అపూర్వం, అద్భుతం. తెలుగు, తమిళం, హిందీ సినీ పరిశ్రమలో ఆమె నటించిన చిత్రాలు అద్భుతమైన విజయాలను సొంతం చేసుకొన్నాయి. ఆమె చివరి శ్వాస వరకు సూపర్స్టార్ ఇమేజ్ను సొంతం చేసుకొన్నారు.
1967లో తమిళ చిత్రంతో
శ్రీదేవీ నట జీవితం 1967లో తమిళ చిత్రం కాందాన్ కురుణై చిత్రంతో మొదలైంది. అప్పటి నుంచి చివరి క్షణం వరకు పలు భాషల్లో 300 చిత్రాలకుపైగా నటించారు. పెళ్లి తర్వాత కొన్నాళ్లు నటనకు దూరంగా ఉన్న శ్రీదేవి.. సెకండ్ ఇన్నింగ్స్ను ఇంగ్లీష్ వింగ్లీష్ ప్రారంభించారు. ఆ తర్వాత తమిళ చిత్రం పులి, మామ్ చిత్రాల్లో నటించారు. షారుక్ ఖాన్ చిత్రం జీరోలో అతిథి పాత్రలో మెరిసారు.
తెలుగులో చరిత్ర సృష్టించిన శ్రీదేవీ
తెలుగులో పదహారేళ్ల వయసు, వజ్రాయుధం, వేటగాడు, బొబ్బిలిపులి, కార్తీకదీపం, సర్దార్ పాపారాయుడు, ఆకలిరాజ్యం, కొండవీటి సింహం, ప్రేమాభిషేకం, జస్టిస్ చౌదరీ, దేవత, జగదేక వీరుడు అతిలోక సుందరి, గోవిందా గోవిందా, ఎస్పీ పరుశురాం, క్షణక్షణం తదితర చిత్రాలు చరిత్ర సృష్టించాయి.
హిందీలో సూపర్స్టార్గా
ఇక హిందీలో సద్మా, చాందీని, తోఫా, జుదాయి, లాడ్లా, జాన్ బాజ్, కర్మ, నగీనా, ఛాల్బాజ్, లమ్హే, మిస్టర్ ఇండియా, మామ్, ఇంగ్లీష్ వింగ్లీష్ లాంటి చిత్రాలతో హిందీ చిత్ర సీమను శాసించారు. సెకండ్ ఇన్నింగ్స్ జోరుందుకొనే సమయంలో ఆమె ఈ లోకాన్ని వీడటం అందర్నీ దు:ఖసాగరంలో ముంచెత్తింది.
దుబాయ్లో పెళ్లి కోసం వెళ్లి మృత్యువాత
దుబాయ్లో పెళ్లి కోసం వెళ్లిన శ్రీదేవి మృత్యువాత పడ్డారు. 2018 ఫిబ్రవరి 24వ తేదీన ఆమె ప్రమాదవశాత్తూ బాత్రూంటబ్లో మునిగి కన్నుమూశారు. అప్పటికి ఆమె వయసు 54 సంవత్సరాలు. ఆమె మరణ వార్తతో యావత్ సినీ ప్రపంచం కన్నీటి సంద్రంలో మునిగిపోయింది. అనూహ్యంగా దివికేగిన అతిలోక సుందరి ఆత్మకు శాంతి కలుగాలని ఆశిద్దాం.