ఆ హిట్ మూవీ సీక్వెల్‌లో శ్రీదేవి, అమితాబ్!(ఫోటో ఫీచర్)

By Bojja Kumar

Published: Tuesday, October 22, 2013, 14:26 [IST]

హైదరాబాద్: బాలీవుడ్ మెగా స్టార్ అమితాబ్ బచ్చన్, ఒకప్పటి స్టార్ హీరోయిన్ శ్రీదేవి మరోసారి కలిసి నటించబోతున్నట్లు సమాచారం. 1992లో వచ్చిన బాలీవుడ్ హిట్ మూవీ 'ఖుదా జవా' చిత్రం సీక్వెల్‌లో నటించడానికి ఇద్దరు యాక్టర్లు ఆసక్తి చూపుతున్నట్లు బాలీవుడ్లో చర్చ సాగుతోంది.

'ఖుదా జవా సీక్వెల్‌కు స్క్రిప్టు వర్క మొదలైంది. అప్పట్లో ఆ చిత్రం అందరినీ మెప్పించింది. అందుకే స్వీక్వెల్ ప్లాన్ చేసాం. ఇప్పటికే స్వీక్వెల్ కాన్సెప్టు గురించి అమితాబ్ బచ్చన్‌కు చెప్పాం. ఆయన నుంచి పాసిటివ్ ఫీడ్ బ్యాక్ వచ్చింది. స్ర్కిప్టు వర్క్ పూర్తయిన తర్వాత ఆయన్ను మళ్లీ సంప్రదిస్తాం' అని నిర్మాత మనోజ్ దేశాయ్ తెలిపారు.

'స్క్రిప్టు వర్కు పూర్తయిన తర్వాత అమితాబ్ జీ ఒప్పుకుంటే....శ్రీదేవిని కూడా సంప్రదించే అవకాశం ఉంది. యంగ్ జనరేషన్‌కు సంబంధించిన యాక్టర్ల ఎంపిక స్క్రిప్టు వర్కు పూర్తయిన తర్వాతే జరుగుతుంది' అని నిర్మాత స్పష్టం చేసారు. త్వరలో పూర్తి వివరాలు తెలియపరుస్తామని తెలిపారు. స్టోరీలైన్ ఎలా ఉంటుంది అనే విషయం చెప్పడానికి నిర్మాత నిరాకరించారు.

1992లో వచ్చిన 'ఖుదా జవా' చిత్రం ఆఫ్ఘనిస్థాన్, ఇండియా నేపథ్యంలో సాగుతుంది. అప్పట్లో ఈ చిత్రం రెండు దేశాల్లోనూ మంచి విజయం సాధించింది. స్క్రిప్టు వర్కు పూర్తయి సీక్వెల్ షూటింగ్ 2014లో ప్రారంభం అయ్యే అవకాశం ఉంది. శ్రీదేవి రీ ఎంట్రీ మూవీ 'ఇంగ్లిష్ వింగ్లిష్'లో అమితాబ్ నటించారు, కానీ ఆయన కేవలం గెస్ట్ రోల్ మాత్రమే చేసారు.

ఇన్‌క్విలాబ్

1984లో టి.రామారావు దర్శకత్వంలో వచ్చిన ఇన్‌క్విలాబ్ చిత్రంలో శ్రీదేవి, అమితాబ్ తొలిసారి కలిసి నటించారు. ఇదొక పొలిటికల్ డ్రామా మూవీ.

ఇతర చిత్రాలు

ఆ తర్వాత అమితాబ్-శ్రీదేవి ‘ఆఖ్రీ రాస్తా' అనే థ్రిల్లర్ మూవీలో కలిసి నటించారు. ఈ చిత్రంలో జయప్రద కూడా నటించారు. ఆ తర్వాత ‘జోమ్మా చుమ్మా ఇన్ లండన్', ‘ఇంగ్లిష్ వింగ్లిష్', ‘బాంబే టాకీస్' చిత్రాల్లో నటించారు.