Don't Miss!
- News ముగిసిన నామినేషన్ల పర్వం: బండి సంజయ్ సహా చివరి రోజు నామినేషన్లు వేసింది వీరే
- Sports SRH vs RCB: హమ్మయ్యా.. ప్రశాంతంగా పడుకుంటాం! ఆ గ్రౌండ్తోనే మాకు ఇబ్బంది: ఫాఫ్ డుప్లెసిస్
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
శ్రీదేవి న్యూ మూవీ ‘మామ్’ టీజర్ ఇదే...
హైదరాబాద్: ప్రముఖ నటి శ్రీదేవి త్వరలో 'మామ్' సినిమా ద్వారా ప్రేక్షకుల ముందుకు రాబోతోంది. ఈ సినిమాకు సంబంధించిన టీజర్ ఇటీవల రిలీజైంది. రవి ఉడయార్ దర్శకత్వం వహిస్తున్న ఈ చిత్రం హిందీతో పాటు తెలుగు, తమిళంలో జులై 14న విడుదల కాబోతోంది.
ఒకప్పుడు ఇండియన్ సినీ పరిశ్రమను తన అందంతో షేక్ చేసిన శ్రీదేవి... నిర్మాత బోనీ కపూర్ ను పెళ్లాడిన తర్వాత సినిమాలకు గుడ్ బై చెప్పిన సంగతి తెలిసిందే. తన ఇద్దరు కూతుళ్ల పెంపకంపైనే దృష్టి పెట్టిన శ్రీదేవి... 2012లో గౌరీ షిండే దర్శకత్వంలో 'ఇంగ్లిష్ వింగ్లిష్' సినిమా ద్వారా సెకండ్ ఇన్నింగ్స్ ప్రారంభించారు.
ఐదేళ్ల గ్యాప్ తర్వాత మామ్
సెలెక్టెడ్గా సినిమాలు చేస్తున్న శ్రీదేవి ‘ఇంగ్లిష్ వింగ్లిష్' సినిమా తర్వాత దాదాపు ఐదేళ్ల గ్యాప్ తీసుకున్నారు. ఇపుడు శ్రీదేవి ప్రధాన పాత్రలో ‘మామ్' అనే సినిమా వస్తోంది. ఈ ఐదేళ్ల గ్యాపులో తమిళంలో విజయ్ పులి మూవీలో ఓ ముఖ్యమైన పాత్ర చేసారు.
సైలెంటుగా షూటింగ్
‘మామ్' సినిమాకు నిర్మాత మరెవరో కాదు... శ్రీదేవి భర్త బోనీ కపూర్. ఈ సినిమా గురించి బయటకు తెలియకుండా షూటింగ్ పూర్తి చేసి అంతా పూర్తయ్యాక అసలు విషయం బయట పెట్టారు. ప్రస్తుతం పోస్ట్ ప్రొడక్షన్ కార్యక్రమాలు జరుగుతున్నాయి.
‘మామ్'లో పాకిస్థాన్ యాక్టర్లు
ఈ చిత్రంలో ఇద్దరు పాకిస్థానీ నటులు ప్రధాన పాత్రలు పోషిస్తున్నారు. అందులో ఒకరు శ్రీదేవి భర్త పాత్ర చేస్తున్న అద్నాన్ సిద్దిఖి, మరొకరు ఆమె కూతురిగా నటిస్తున్న సజల్ అలీ.
కథేంటి?
ఈ సినిమా కథ ఇప్పటి వరకు వచ్చిన చిత్రాలకు భిన్నంగా ఉంటుందని.... సినిమాలో శ్రీదేవి సవితి తల్లిగా నటిస్తోందని, ఆమెకు, కూతురికి మధ్య జరిగే సంఘర్షణ నేపథంలో కథ సాగుతుందని తెలుస్తోంది. కథ చాలా ప్రత్యేకంగా ఉంది కాబట్టే శ్రీదేవి ఈ సినిమా చేసినట్లు చెబుతున్నారు.