నెట్లో హల్ చల్ చేస్తున్న శ్రీదేవి కూతురు ముద్దు (ఫోటో)

By Bojja Kumar

Published: Wednesday, October 7, 2015, 18:29 [IST]

ముంబై: శ్రీదేవి చిన్న కూతురు ఖుషీ కపూర్ మరోసారి వార్తల్లోకి ఎక్కింది. అమెరికన్ మ్యూజిక్ ఆర్టిస్ట్ జాక్ గిలిన్‌స్కై ఆమె ముద్దాడిన ఫోటో ఇంటర్నెట్, సోషల్ మీడియాలో హల్ చల్ చేస్తోంది. ఈ ఫోటో 3 నెలల కిందటి ఫోటో కావడం గమనార్హం. సోషల్ మీడియాలో ఈ ఫోటో వైరల్ లా వ్యాపించడంతో ఖుషీ కపూర్ హైలెట్ అవుతోంది.

మూడు నెలల క్రితం అమెరికన్ టీనేజీ సంచలనం జాక్ గిలిన్‌స్కై మ్యూజిక్ ఈవెంటుకు ఖుషీ కపూర్ హాజరైంది. ఇతర అభిమానుల్లానే ఖుషీ కపూర్ కూడా అతని బుగ్గపై ముద్దు పెట్టుకుంది. ఈ ఫోటోను తన ఇన్‌స్టా గ్రామ్ అకౌంట్లో పోస్టు చేసింది. తన జీవితంలో ఇదొక బెస్ట్ మూమెంట్ అంటూ కామెంట్ కూడా చేసింది. మూడు నెలల క్రితం పాత ఫోటో ఇపుడు ఉన్నట్టుండి బి టౌన్‌లో వైరల్ లా వ్యాపించింది. బాలీవుడ్లో హాట్ టాపిక్ అయింది.

శ్రీదేవికి ఇద్దరు కూతుర్లు. పెద్ద కూతురు పేరు జాన్వి, చిన్న కూతురు పేరు ఖుషి. ఖుషి కపూర్.... రెండేళ్ల క్రితం వరకు కాస్త లావుగా ఉండేది. అమ్మ నుండి అందం కూడా అందలేదే. అయితే అందంగా కనిపించడానిక సర్జరీ చేయించుకోవడంతో కుషీ కపూర్ ఇపుడు ఎంతో బ్యూటిఫుల్ గా తయారైంది. భవిష్యత్తులో హీరోయిన్ గా ఎంట్రీ ఇవ్వాలనే ఆలోచన ఉండబట్టే ఆమె సర్జరీ చేయించుకుందనే వార్తలు వినిపిస్తున్నాయి.

భవిష్యత్తులో శ్రీదేవి ఇద్దరు కూతుర్లు సినిమా రంగంలోకి వచ్చే అవకాశం ఉందనే వార్తలు వినిపిస్తున్నాయి. అయితే శ్రీదేవి మాత్రం ఈ విషయంలో తన ప్రేమేయం ఏమీ ఉండదని, సినిమా రంగంలోకి రవాలా? వద్దా? అనే నిర్ణయం వారికే వదిలివేస్తున్నట్లు తెలిపింది.